Awaze bihar
Related Articles
قطر، 28 نومبر (یواین آئی) چار بار کی عالمی چیمپئن جرمنی نے قطر میں جاری فٹبال ورلڈ کپ مقابلے میں اسپین کے ساتھ 1-1 سے ڈرا میچ کھیلا اور آخری 16 میں پہنچنے کی امید کو برقرار رکھا ہے۔اسی کے ساتھ اسپین ایک جیت اور ایک ڈرا کے ساتھ اپنے گروپ میں چار پوائنٹ کے ساتھ چوٹی پر پہنچ گیا ہے جبکہ جرمنی ایک ڈرا اور ایک شکست کے ساتھ گروپ میں ایک پوائنٹ کے ساتھ سب سے نیچے چوتھے نمبر پرموجود ہے۔ اس ڈرا کے ساتھ چار بار کی عالمی چیمپئن جرمنی فٹبال ورلڈ کپ سے باہر ہونے کے دہانے پر ہے۔
جرمن کوچ ہینسی فلک نے کہا کہ وہ اپنی ٹیم کی کارکردگی سے خوش ہیں۔ انہوں نے مزیدکہا کہ ‘کھلاڑی جانتے تھے کہ گول کرنے کے بعد کس طرح کی کارکردگی کا مظاہرہ کرنا ہے۔
یہ دیکھتے ہوئے انہوں نے دوسرے ہاف میں گول کر کے میچ برابر کر دیا۔ کوچ کا مزید کہنا تھا کہ ‘ٹیم کا اگلا میچ کوسٹاریکا کے ساتھ ہے لیکن ہم اس میچ کے بارے میں نہیں سوچ رہے کیونکہ ہمیں اپنے کھلاڑیوں اور ٹیم کے لیے بنائے گئے پلان پر انحصار کرنا ہوگا۔’
اسپین کو اگلے راؤنڈ کے لیے کوالیفائی کرنے کے لیے اب جاپان کے خلاف ایک پوائنٹ درکار ہے جب کہ جرمنی کو کوسٹاریکا کو ہرانا ہے اور توقع ہے کہ جاپان اسپین کو آخری گروپ میچ میں شکست نہیں دے گا۔ اسپین کوچ نے کہا، ‘آپ کے پاس جرمنی کے خلاف میچ جیتنے اور خود کو ثابت کرنے کا بہترین موقع تھا لیکن آخر میں ہم ایسا نہیں کر سکے، ہمیں اپنی پوزیشن کے بارے میں سوچنا ہوگا۔ دو میچوں کے بعد ہم اپنے گروپ میں سرفہرست ہیں۔
البیت اسٹیڈیم میں کھیلے گئے میچ کے 82ویں منٹ تک جرمن ٹیم ایک گول سے پیچھے تھی۔ نکلاس فلکروز نے 83ویں منٹ میں گول کر کے میچ برابر کر دیا۔ اس سے قبل 62ویں منٹ میں اسپین کی جانب سے الوارو موراتا نے ٹیم کےلئے گول کیا۔
اسپین 4 پوائنٹس کے ساتھ گروپ ای میں سرفہرست ہے۔ جبکہ جرمنی 1 پوائنٹ کے ساتھ آخری نمبر پر ہے۔ اس کے ساتھ ہی جاپان 3 پوائنٹس کے ساتھ دوسرے اور کوسٹاریکا اتنے ہی پوائنٹس کے ساتھ تیسرے نمبر پر ہے۔ اسپین کے خلاف ڈرا ہونے کی وجہ سے جرمنی کے آگے بڑھنے کے امکانات بڑھ گئے ہیں۔
اس کے پاس صرف ایک پوائنٹ ہے۔ اسے آگے جانے کے لیے کوسٹاریکا کے خلاف اپنا اگلا میچ کسی بھی قیمت پر جیتنا ہوگا اور یہ دعا بھی کرنی ہوگی کہ اسپین اپنے اگلے میچ میں جاپان کو شکست دے۔
56ویں منٹ میں متبادل کھلاڑی کے طور پر آنے والے اسپین کے الوارو موراٹا نے پہلا گول بغیر کسی گول کے پہلے ہاف کے بعد 62ویں منٹ میں کیا۔ لیفٹ بیک جورڈی ایلبا نے پنالٹی باکس کے باہر گیندپاس کی۔ موراٹانے خوبصورتی سے گیند کو جال میں پہنچا دیا۔جرمنی نے آخری 30 منٹ میں جارحانہ انداز میں کھیلا۔ متبادل کھلاڑی فلکروز نے 83ویں منٹ میں گول کیا۔ گول جمال موسیالا کے پاس سے ہوا۔اس میچ میں جرمنی سے زیادہ اسپین کا قبضہ تھا۔ اسپین نے 65 فیصد وقت گیند کو اپنے پاس رکھا۔ دوسری جانب جرمنی صرف 35 فیصد وقت گیند کو اپنے پاس رکھنے میں کامیاب رہا۔
پہلے ہاف میں دفاعی کھیل کھیلنے کے بعد دوسرے ہاف میں جرمنی نے حملہ آور کھیل کا مظاہرہ کیا۔ جرمنی نے پورے میچ میں گول پر مجموعی طور پر 11 شاٹس لگائے۔ اس کے ساتھ ہی اسپین صرف 7 شاٹس ہی لگا سکا۔
اسپین کے گول کیپر اونائی سیمن نے شاندار کارکردگی کا مظاہرہ کیا۔ انہوں نے میچ میں 3 اہم گول بچائے ۔ 74 ویں منٹ میں جرمنی کے جمال موسیالا نے ڈفینڈر وں کو چکمہ دیتے ہوئے گیند کو اندر لے گئے۔
