Awaze bihar
Related Articles
چٹاگانگ، 10 دسمبر (یو این آئی) کرکٹ کی دنیا کے بے تاج بادشاہ وراٹ کوہلی نے ہفتہ کو بنگلہ دیش کے خلاف سنچری بنا کر تین سال بعد ون ڈے کرکٹ میں 100 رن کا ہندسہ عبور کیا۔
کوہلی نے ظہور احمد چودھری اسٹیڈیم میں کھیلے گئے تیسرے ون ڈے میں 91 گیندوں میں 11 چوکوں اور دو چھکوں کی مدد سے 113 رن بنائے۔ کوہلی نے اس سے قبل ون ڈے کرکٹ میں 14 اگست 2019 کو ویسٹ انڈیز کے خلاف سنچری بنائی تھی۔
کوہلی نے بین الاقوامی کرکٹ میں 72 سنچریاں بنا کر سابق آسٹریلیائی بلے باز رکی پونٹنگ (71) کو پیچھے چھوڑ دیا ہے۔ اب وہ سب سے زیادہ سنچریاں بنانے کے معاملے میں ماسٹر بلاسٹر سچن تندولکر (100 سنچریاں) سے پیچھے ہیں۔
کوہلی نے ایشان کشن کے ساتھ دوسری وکٹ کے لیے 290 رن کی شراکت داری کرتے ہوئے اپنی 44ویں ون ڈے سنچری اسکور کی۔
اس دوران کشن نے ون ڈے کرکٹ میں اپنی پہلی سنچری اور پہلی ڈبل سنچری بناتے ہوئے 213 رن بنائے ۔ انہوں نے 138 گیندیں کھیلیں اور اپنی اننگز میں 24 چوکے اور 10 چھکے لگائے۔
گزشتہ تین سال سے بلے کی خاموشی سے جہاں کوہلی کے مداح مایوس تھے وہیں دوسری جانب ناقدین نے بھی رن نہ بنانے پر انہیں شدید تنقید کا نشانہ بنایا تھا۔
کوہلی نے اگست 2022 میں متحدہ عرب امارات میں کھیلے گئے ایشیا کپ میں افغانستان کے خلاف سنچری بنا کر اپنے ناقدین کو پرسکون کیا۔ انہوں نے 1,021 دنوں کے وقفے کے بعد سنچری بنانے کے بعد 61 گیندوں پر ناٹ آوٹ 122 رن بنائے۔ کوہلی نے یہ سنچری بنا کر پرانی رنگت میں واپس آنے کا اشارہ دیا ہے۔
