ہماچل: فیکٹری میں آتشزدگی، دو مزدور زندہ جلے، لاکھوں کا نقصان

شملہ، 24 دسمبر (یو این آئی) ہماچل پردیش کے ضلع چمبا میں ہٹلی پنچایت کے صنعتی علاقے میں ویسٹ پروسیسنگ فیکٹری میں اچانک آگ لگ گئی، جس میں دو مزدور جھلس کر ہلاک ہوگئے۔ آتشزدگی سے لاکھوں مالیت کا سامان جلنے کا خدشہ ہے۔شارٹ سرکٹ کے باعث آگ لگنے کے وقت فیکٹری میں پانچ مزدور موجود تھے۔ ان میں سے تین کو آگ لگنے کے بعد بحفاظت باہر نکال لیا گیا جبکہ دو آگ کی لپیٹ میں آکر جھلس گئے۔پولیس نے مرنے والوں کی شناخت وویکانند مہتوولد وشوانند مہتو بہار اور سورج کمار ساکن نیپال کے طور پر کی ہے۔ فیکٹری مکمل طور پر جل کر راکھ ہو گئی ہے۔اطلاع کے مطابق فائر ڈپارٹمنٹ اور پولیس موقع پر پہنچ کر مزید کارروائی کر رہی ہے۔ ویسٹ پروسیسنگ یونٹ میں جمعہ کی رات تقریباً 10.30 بجے آگ بھڑک اٹھی، واقعے کی اطلاع ملتے ہی فائر بریگیڈ نے بھی موقع پر پہنچ کر آگ بجھانے کا کام شروع کردیا۔ آگ کی شدت کی وجہ سے آگ پر قابو پانے کے لیے چمبا اور کانگڑا سے پانچ فائر ٹینڈرز کو طلب کرنا پڑا، جبکہ فیکٹری میں پلاسٹک کا مواد زیادہ ہونے کی وجہ سے آگ پر قابو پانے کے لیے سخت جدوجہد کرنا پڑی۔آگ کے وقت فیکٹری میں پانچ مزدور سو رہے تھے۔ پولیس چوکی سنہوٹہ کی پولیس ٹیم بھی موقع پر موجود ہے۔معاملے کی تصدیق کرتے ہوئے اے ڈی ایم امت مہرا نے کہا کہ اس فیکٹری میں دو لوگوں کی جلنے سے موت ہوئی ہے۔ مرنے والوں نے اتنی شراب پی رکھی تھی کہ انہیں آگ لگنے کی خبر تک نہ ہوئی۔ وہیں شاہ پورحلقہ سے متصل ضلع چمبا کے ہٹلی گاوں کے صنعتی علاقے میں ویسٹ پروسیسنگ فیکٹری میں دیر رات 23 دسمبرکوآتشزدگی کے واقعہ پر شاہ پور کے نومنتخب ایم ایل اے کیول سنگھ پٹھانیا نے گہرے دکھ کا اظہار کیا ہے۔مسٹر پٹھانیا نے ایس ڈی ایم، مقامی پنچایت پردھان کے ساتھ جائے حادثہ کا دورہ کیا اور امدادی کاموں کا جائزہ لیا۔ انہوں نے کہا کہ آتشزدگی کا واقعہ افسوسناک ہے۔انہوں نے کہا کہ ریاست کے وزیر اعلیٰ سکھوندر سنگھ سکھو کو بھی اس افسوسناک واقعہ سے آگاہ کر دیا گیا ہے۔ انہوں نے کہا کہ وزیراعلیٰ نے متاثرین کو ہر ممکن مدد فراہم کرنے کی ہدایات دی ہیں۔ انہوں نے کہا کہ فیکٹری میں آتشزدگی کے واقعے کی تحقیقات کا حکم دے دیا گیا ہے اور مقامی انتظامیہ کو متاثرہ افراد کی مدد اور بحالی کے احکامات دیے گئے ہیں۔

About awazebihar

Check Also

آئی بی سی منظم لوٹ کا مترادف بن گیا ہے: کانگریس

نئی دہلی، 02 جون (یو این آئی) کانگریس نے کہا کہ چند سال قبل ملک …

Leave a Reply

Your email address will not be published. Required fields are marked *