Awaze bihar
Related Articles
حاجی پور (محمد آصف عطا) ضلع میں سونے کے دو تاجروں کو گولی مارنے،لوٹ پاٹ کرنے اور انہیں مسلسل نشانہ بنانے والے مجرموں کے خلاف گورول اور بھگوان پور بازار میں سونا تاجروں نے اپنی دکانیں بند کر دیں۔خیال رہے کہ کل دیر رات گوڈھیا کٹرمالا چوک سے دکان بند کرنے کے بعد بھگوان پور تھانہ علاقہ کے کھڈ بکھرا گاؤں میں سونے کے تاجر شتروگھن ساہ اور اس کے بیٹے وویک کمار جو اپنے گھر لوٹ رہے تھے کو کار سوار جرائم پیشوں نے گولی مار کر بری طرح زخمی کر دیا۔اس واقعہ کے ایک گھنٹہ کے اندر ہی مجرموں نے سونے کے تاجر راکیش کمار کے ساتھ جو ویلوار گھاٹ سے دکان بند کرکے بھگوان پور میں اپنے گھر لوٹ رہے تھے کو گن پوائنٹ پر ست پورہ گاؤں کے قریب نقدی اور زیورات لوٹ لئے۔پولیس سپرنٹنڈنٹ منیش کمار رات دیر گئے موقع پر پہنچے اور معاملے کی جانچ کی۔ان دونوں واقعات کے خلاف جمعرات کو ناراض تاجروں نے اپنی دکانیں بند کر کے زبردست احتجاج کیا۔ سرپرستوں کے وفد نے تھانے آکر پولیس افسر سے ملاقات کی اور احتجاج کا اظہار کرتے ہوئے درخواست دی۔دوسری جانب تھانے میں تعینات سب انسپکٹر راجیش کمار نے تاجروں سے میٹنگ کی اور انہیں مناسب انتظامات کی یقین دہانی کرائی۔انہوں نے کہا کہ دکان بند کرنے سے پہلے ہمیں اطلاع کر دیں گے۔ پولیس بروقت وہاں گشت کرے گی۔لوٹا ہوا مال 48 گھنٹے میں برآمد کرنے کی یقین دہانی کرائی گئی۔ مجرموں کی تلاش شروع کر دی گئی ہے۔آپ تاجر اپنی دکانیں کھولیں اور بغیر کسی پریشانی کے کاروبار کریں۔
اس یقین دہانی کے بعد تاجر کل سے دکانیں کھولنے پر راضی ہوگئے ہیں۔یونین کے صدر جناب سونی نے دکانداروں سے خطاب کرتے ہوئے کہا کہ جب پولیس ہمارے ساتھ ہے اور یقین دہانی کرائی ہے تو ہمیں بھی اس کی بات مان لینی چاہیے اور جمعہ سے اپنی دکانیں کھولنی چاہئیں۔دوسری جانب انڈر انسپکٹر جناب کمار نے بتایا کہ پولیس نے ان دونوں واقعات کو ایک چیلنج کے طور پر لیا ہے۔سامان کی برآمدگی کے ساتھ ساتھ مجرم جلد ہی ہماری گرفت میں ہوں گے۔اس موقع پر رمیش ساہ، سبودھ ساہ، للت ساہ، جیتو ساہ، راہل کمار سونی، للن کمار، ارون ساہ، سنجے ساہ، ونے ساہ سمیت درجنوں لوگ شامل تھے۔
