گھریلوحالات میں انگلینڈ کو ہرا سکتے ہیں: تسکین

ڈھاکہ، 9 فروری (یو این آئی) بنگلہ دیش کے تیز گیند باز تسکین احمد کا ماننا ہے کہ وہ اپنے گھریلو حالات میں انگلینڈ جیسی مضبوط ٹیم کو بھی شکست دے سکتے ہیں۔تسکین نے بدھ کو یہاں میڈیا سے بات کرتے ہوئے کہا کہ یقینی طور پریہ ان کے (انگلینڈ) کے خلاف آسان نہیں ہوگا اور وہ ہر فارمیٹ میں (ہمارے مقابلے میں) بڑی ٹیم ہے، لیکن ہمیں یقین ہے کہ ہم اپنے گھریلو حالات میں ایک بہت مضبوط ٹیم ہیں اور ہم ان سے لڑنے کی توقع کررہے ہیں۔”انہوں نے کہا، “سب کچھ منطق سے نہیں چل سکتا۔ میرے خیال میں جو بھی کسی خاص دن اچھا کرکٹ کھیلے گا وہ جیت جائے گا۔ ظاہر ہے اگر آپ ہر چیز پر غور کرتے ہیں تو وہ (انگلینڈ) ہم سے بہت آگے ہیں لیکن چونکہ ہم گھر پر کھیل رہے ہیں اس لئے سیریز جیتنے کی امید کر سکتے ہیں۔تسکین نے کہا کہ نئے مقرر کردہ ہیڈ کوچ چندیکا ہتھورو سنگھا نے انگلینڈ کے خلاف آئندہ ہوم سیریز کے لیے ٹیم کے ساتھ اپنے منصوبوں کا اشتراک کرکے تیاری شروع کردی ہے۔ 2014 سے 2017 تک بنگلہ دیش کے ساتھ اپنی پہلی مدت کار مکمل کرنے والے ہتھوروسنگھا 20 فروری کو یہاں اپنی دوسری مدت کار شروع کرسکتے ہیں۔ تسکین نے کہا، “ہم پرجوش ہیں کہ ہتھورو سنگھا کی واپسی ہو رہی ہے۔ وہ بہت اچھے کوچ اور ایماندار انسان ہیں۔ مجھے یقین ہے کہ ہم ان کی قیادت میں اچھی کارکردگی کا مظاہرہ کریں گے۔ جو اس وقت نوجوان تھے وہ اب پختہ ہو چکے ہیں اور ہم بھی اچھی پوزیشن میں ہیں۔ انہوں نے سب کے ساتھ بات کی ہے اوروہ سب کے ساتھ رابطے میں ہیں۔ وہ اپنے منصوبے شیئر کر رہے ہیں اور کرداروں کے بارے میں بات کر رہے ہیں۔”تسکین نے کہا کہ انہوں نے اپنی ہیمسٹرنگ انجری کے لیے بحالی پروگرام شروع کیا ہے جس کی وجہ سے وہ 30 جنوری سے بنگلہ دیش پریمیئر لیگ میں حصہ نہیں لے رہے تھے۔انہوں نے مزید کہا کہ میں بورڈ کے منصوبے کے مطابق آگے بڑھ رہا ہوں اور مجھے امید ہے کہ مختصر وقت میں چھوٹے رن اپ کے ساتھ گیندبازی شروع کردوں گا۔انگلینڈ کو تین ون ڈے اور تین ٹی ٹوئنٹی میچوں کے لیے بنگلہ دیش کا دورہ کرنا ہے۔ اس دورے کا آغاز یکم مارچ کو پہلے ایک روزہ میچ کے ساتھ ہوگا۔

 

About awazebihar

Check Also

آئی پی ایل میں ہی ڈیوک کے ساتھ پریکٹس شروع کردی تھی: اکشر

پورٹسماؤتھ، 01 مئی (یو این آئی) ہندوستانی آل راؤنڈر اکشر پٹیل نے انکشاف کیا کہ …

Leave a Reply

Your email address will not be published. Required fields are marked *