Awaze bihar
Related Articles
پٹنہ، 10 فروری(اے بی این) وزیر اعلیٰ نتیش کمار نے آج ‘سمادھان یاترا کے دوران مدھے پورہ ضلع میں مختلف محکموں کے تحت جاری ترقیاتی اسکیموں کا جائزہ لیا۔ کارکنوں سے ملاقات کے بعد وزیر اعلیٰ ججہٹ سبیلہ پنچایت کے وارڈ نمبر 06 پہنچے، جہاں انہوں نے مختلف اسکیموں کا مشاہدہ، معائنہ اور افتتاح کیا۔ وزیراعلیٰ نے ویسٹ پروسیسنگ یونٹ کا افتتاح بھی کیا۔ اس کے بعد انہوں نے ججھٹ سبیلہ پنچایت کے جھٹکیہ گاؤں میں جیویکا دیدی کی طرف سے چلائی جانے والی لائبریری کا افتتاح کیا، ساتھ ہی سنگ بنیاد رکھا اور جل جیون-ہریالی مہم کے تحت مختلف اسکیموں کا معائنہ کیا۔وزیراعلی نے طلبہ کو اقلیتی فلاح اسکیم کے تحت ترغیبی اسکیم کے تحت چیک دیا۔ وزیر اعلیٰ نے وزیر اعلیٰ مسلم لاوارث/طلاق شدہ خواتین امدادی اسکیم کے تحت مستحقین کو بھی چیک دیا۔ وزیراعلی نے معذور امپاورمنٹ اسٹوڈنٹ اسکیم کے تحت مفت بیٹری سے چلنے والی ٹرائی سائیکلیں مستحقین میں تقسیم کی ۔ چیف منسٹر انٹرکاسٹ میرج پروموشن اسکیم کے تحت فائدہ اٹھانے والے کو مراعاتی رقم کے ساتھ ساتھ فکسڈ ڈپازٹ سرٹیفکیٹ بھی فراہم کیا گیا تھا۔ وزیر اعلیٰ کی طرف سے مسزپریتی گوپال کو خواتین کاروباری اسکیم کے تحت مکھانہ پروسیسنگ یونٹ کے قیام کے لیے 10 لاکھ روپے کی رقم فراہم کی گئی۔ یہ مکھانہ پروسیسنگ یونٹ قومی شاہراہ 107 پر راج پور میں واقع ہے۔ کاروباری شخصیت مسز پریتی گوپال نے وزیر اعلیٰ کو مکھانہ کا ہار پہنا کر اور انہیں ایک مومینٹو دے کر خیرمقدم کیا۔ وزیراعلی کنیا اتھان منصوبہ کے تحت مستحقین کو قابل ادائیگی رقم کا چیک فراہم کیا گیا۔ وزیراعلیٰ نے مختلف محکموں کی جانب سے لگائی گئی نمائش کا مشاہدہ کیا اور وزیراعلیٰ نے لگائے گئے اسٹال کا معائنہ کیا۔پروگرام کے دوران، وزیر اعلیٰ نے سنگھیشور میں کام کرنے والے پلاسٹک ویسٹ پروسیسنگ یونٹ کا افتتاح کیا، اوداکیشن گنج میں انتظامی عہدیداروں کی رہائش گاہ کے تعمیراتی کام، انڈر رجسٹریشن آفس اوداکشن گنج کے دفتر کی عمارت، ڈسٹرکٹ رجسٹریی آفس مدھے پورہ، گورنمنٹ امبیڈکر رہائشی گرلس 2+10اسکول مرلی گنج کے کام کا افتتاح اور سنگ بنیاد رکھا۔اس موقع پر آبی وسائل و اطلاعات اور رابطہ عامہ کے وزیر جناب سنجے کمار جھا، وزیر تعلیم جناب چندر شیکھر، درج فہرست ذات/قبائلی بہبود کے وزیر جناب سنتوش کمار سمن، سابق وزیر جناب نریندر نارائن یادو، ایم ایل اے جناب نرنجن مہتا، ایم ایل اے مسٹر چندر ہاس چوپال، چیف سکریٹری مسٹر عامرسبحانی، ڈائرکٹر جنرل آف پولیس مسٹر آر ایس بھٹی، چیف منسٹر کے پرنسپل سکریٹری ڈاکٹر ایس سدھارتھ، چیف منسٹر کے سکریٹری مسٹر انوپم کمار، ایڈیشنل چیف سکریٹری/ پرنسپل سکریٹری/ سکریٹری متعلقہ محکمہ، کمشنر کوسی ڈویژن، سہرسہ، ڈپٹی انسپکٹر جنرل آف پولیسکوسی رینج ڈی ایم سہرسہ، ڈی ایم مدھے پورہ مسٹر شیام بہاری مینا، مدھے پورہ کے پولیس سپرنٹنڈنٹ مسٹر راجیش کمار اور دیگر سینئر افسران موجود تھے۔
