Awaze bihar
Related Articles
حج کے خواہشمند افراد10مارچ سے قبل اپنا حج درخواست فارم پرُ کر لیں — الحاج عبدا لحق
بہار ریاستی حج کمیٹی کے عزت مآب چیئرمین الحاج عبد الحق نے اپنے خصوصی پریس اعلانیہ کے ذریعہ یاد دہانی کرائی ہے کہ حج 2023کے لئے آن لائن حج درخواست پُر کرنے کے لئے مقررہ آخر ی تاریخ ختم ہونے میں اب صرف تین دن رہ گئے ہیں۔واضح ہو کہ حج 2023کے لئے حج درخواست فارم 10مارچ شام 5:00بجے تک ہی آن لائن کئے جا سکتے ہیں۔حج کے خواہشمند افراد جنہوں نے کسی وجہ سے اپنا حج درخواست فارم آن لائن نہیںکیا ہے وہ 10مارچ شام 5بجے سے قبل اپنا حج درخواست آن لائن پرُ کرالیں۔ حج فارم پرُ کرنے کی اہمیت اور حج درخواست دہندگان کی سہولت کے پیش نظر ۸ اور ۹ مارچ کو بھی حج بھون پٹنہ واقع بہار ریاستی حج کمیٹی کا دفتر بدستور کھلا رہے گا۔
موصوف نے سبھی اضلاع کے حج کے ذمہ دار اور معاون حضرات سے گزارش کی ہے کہ حج 2023کے خواہشمند افراد جن کے سبھی مطلوبہ دستاویز انہیں دستیاب ہو گئے ہیں ان کا آن لائن درخواست کا مرحلہ مکمل کرالیں۔حج کے خواہشمند ویسے افراد جن کا پاسپوٹ پرنٹنگ مرحلے میں ہے یا ڈسپیچ ہو چکا ہے اگر ۹مارچ تک انہیں پاسپوٹ دستیاب نہیں ہو سکے تو وہ لوگ10مارچ کو صبح حج درخواست آن لائن کے لئے مطلوبہ دیگر دستیاویزات کے ساتھ حج بھون پٹنہ آکر پاسپوٹ آفس سے پاسپوٹ کی پرنٹ حاصل کر اپنا حج درخواست فارم پرُ کرا سکتے ہیں۔
موصوف نے بتایا کہ حج کے خواہشمند وہ حضرات جنہوں نے اپنا حج درخواست فارم پرُ کرنے کا مرحلہ مکمل کر لیا ہے وہ آن لائن کئے گئے حج درخواست فارم کی ہارڈ کاپی سبھی منسلک دستاویزات ، اصل پاسپوٹ اور سفید پس منظر والی تصویر کے ساتھ بہار ریاستی حج کمیٹی کے دفتر حج بھون پٹنہ میں دفتر کے اوقات میں جمع کرادیں۔
آن لائن حج درخواست کے لئے درخواست دہندگان کے پاس بین الاقوامی پاسپورٹ ، کووڈ ویکسین کی سرٹیفکٹ، سفید پس منظر والی تصویر، کور ہیڈ کے لئے اضافی دستاویز میں بینک پاس بک یا کینسل چیک کا ہونا لازمی ہے۔حج درخواست دہندگان جن کے پاسپورٹ میں بہار سے باہر کا پتہ درج ہے اور وہ بہار کے باشندے ہیں اُنہیں بہار کا باشند ہ ہونے کے ثبوت کے طور پر (1) آدھار کارڈ، (2) ووٹرشناختی کارڈ، (3) گیس کنیکشن کارڈ(تین ماہ قبل کا) (4) بجلی بل (تین ماہ قبل کا) (5) ٹیلیفون بل (تین ماہ قبل کا) میں سے کوئی ایک دستاویز پیش کرنا ہے۔
حج درخواست فارم کے متعلق مزید معلومات کے لئے ریاستی حج کمیٹی کے دفتر کے فون نمبر- 0612-2203315و موبائل نمبر- 8271463343 (اظہار احمد)، 9693638579 (صغیر احمد)،9308102375(محمد اختر حسین)، اور 9709647585(مفتی محمدعبیداللہ قاسمی) یا 7070810696(صفدر علی)سے رابطہ کیا جا سکتا ہے۔
