Awaze bihar
Related Articles
گاندھی نگر، 18 مارچ (یو این آئی) مرکزی وزیر داخلہ اور امداد باہمی امت شاہ نے گاندھی نگر، گجرات میں کہا کہ انڈین ڈیری ایسوسی ایشن (آئی ڈی اے) نے ملک میں ڈیری سیکٹر کی ترقی میں بہت زیادہ تعاون کیا ہے۔مسٹر شاہ نے ہفتہ کو انڈین ڈیری ایسوسی ایشن کی طرف سے منعقدہ 49ویں ڈیری انڈسٹری کنونشن میں بطور مہمان خصوصی شرکت کی اور کہا کہ ڈیری دنیا کے لیے ایک کاروبار ہے، لیکن 130 کروڑ کی آبادی والے ہندوستان جیسے ملک میں روزگار کا یہ ذریعہ، دیہی معیشت کو مضبوط کرنے کا متبادل ہے جو غذائی قلت کے مسائل کا حل فراہم کرتا ہے اور ایک ایسا سیکٹر ہے جس میں خواتین کو بااختیار بنانے کی بڑی صلاحیت ہے۔ اگر ہم ہندوستان کی آزادی کے بعد سے ڈیری صنعت کی ترقی کو دیکھیں تو ہمارے ڈیری سیکٹر نے ان تمام پہلوؤں کو ملک کی ترقی کے ساتھ مربوط کرنے کے لیے بہت اچھا کام کیا ہے۔اس موقع پر گجرات کے وزیر اعلی بھوپیندر پٹیل سمیت کئی معززین موجود تھے۔
انہوں نے کہا کہ اس میں ہماری کوآپریٹو ڈیری کا بہت بڑا حصہ رہا ہے جس نے کسانوں کی خوشحالی کے لیے کام کیا ہے۔ کوآپریٹو ڈیری نے ملک کی غریب کاشتکار خواتین کو خود کفیل بنانے کی راہ ہموار کی ہے۔ انہوں نے کہا کہ آزادی کے 75 ویں سال میں وزیر اعظم نریندر مودی نے تعاون کے ذریعے خوشحالی کےفارمولہ کو ثابت کرنے کے لیے تعاون کی وزارت کی تشکیل کی۔مرکزی وزیر داخلہ اور تعاون نے کہا کہ انڈین ڈیری ایسوسی ایشن کا قیام 1948 میں آزادی کے فوراً بعد ہوا تھا اور آئی ڈی اے نے ملک میں ڈیری سیکٹر کی ترقی میں اہم کردار ادا کیا ہے۔ انہوں نے کہا کہ اس کانفرنس میں کوشش کی گئی ہے کہ ہندوستان کے ڈیری سیکٹر کو دنیا کا سب سے مضبوط ڈیری سیکٹر بنانے کے لیے ہمہ جہت بات چیت کی جائے۔
مرکزی وزیر داخلہ اور امداد باہمی امت شاہ نے ہفتہ کو گجرات کے گاندھی نگر میں کہا کہ ڈیری ہماری معیشت کا ایک مضبوط حصہ ہے اور روزگار کے نقطہ نظر سے نو کروڑ دیہی خاندانوں کے تقریباً 45 کروڑ لوگ، خاص طور پر معمولی کسان اور خواتین براہ راست ڈیری سیکٹر سے وابستہ ہیں۔
انڈین ڈیری ایسوسی ایشن (آئی ڈی اے) کے زیر اہتمام 49ویں ڈیری انڈسٹری کانفرنس سے خطاب کرتے ہوئے، مسٹر شاہ نے کہا کہ ہمارا ڈیری اور مویشی پروری کا شعبہ ملک کے جی ڈی پی میں 4.5 فیصد کا حصہ ادا کرتا ہے اور ڈیری کا شعبہ زراعت کے شعبے میں 24 فیصد کا حصہ ہے۔ جس کی مالیت 10 لاکھ کروڑ روپے ہے۔ دنیا میں سب سے زیادہ ہے۔ ڈیری ہماری معیشت کا ایک مضبوط حصہ ہے اور روزگار کے نقطہ نظر سے آج تقریباً 45 کروڑ لوگ بالخصوص معمولی کسان اور نو کروڑ دیہی خاندانوں کی خواتین ڈیری کے شعبے سے براہ راست جڑے ہوئے ہیں۔ ہمارے ڈیری سیکٹر نے گزشتہ دہائی میں 6.6 فیصد کی سالانہ شرح سے ترقی کی ہے۔
انہوں نے کہا کہ وزیر اعظم نریندر مودی کی طرف سے تشکیل کردہ کوآپریٹیو وزارت، این ڈی ڈی بی اور مویشی پروری کا محکمہ ملک میں دو لاکھ پنچایتوں میں دیہی ڈیری قائم کرے گا اور اس کے بعد ڈیری سیکٹر کی ترقی کی شرح 13.80 فیصد تک پہنچ جائے گی۔
انہوں نے کہا، “ہماری دودھ کی پروسیسنگ کی صلاحیت تقریباً 126 ملین لیٹر یومیہ ہے، جو دنیا میں سب سے زیادہ ہے۔ ہم اپنی کل دودھ کی پیداوار کا 22 فیصد پروسیس کرتے ہیں، جس سے کسانوں کو آمدنی میں اضافہ کی صورت میں فائدہ ہوتا ہے۔ دودھ کی مصنوعات جیسے دودھ پاؤڈر، مکھن اور گھی کا بھی برآمدات میں بڑا حصہ ہے اور ان میں بے پناہ صلاحیت موجود ہے۔ مودی حکومت نے برآمدات کے لیے ملٹی اسٹیٹ کوآپریٹو سوسائٹی بنائی ہے، ان دو لاکھ دیہی ڈیریوں کے اضافے سے برآمدات میں پانچ گنا اضافہ کا امکان ہے۔
امداد باہمی کے مرکزی وزیر نے کہا کہ دنیا کے ڈیری منظرنامے پر نظر ڈالیں تو 1970 میں ہندوستان میں روزانہ تقریباً چھ کروڑ لیٹر دودھ پیدا ہوتا تھا اور یہ دودھ کی کمی والا ملک تھا۔ 2022 میں یہ پیداوار بڑھ کر 58 کروڑ لیٹر یومیہ ہو گئی ہے، جس میں ڈیری سیکٹر کا بہت بڑا کردار ہے۔ 1970 سے 2022 تک ہندوستان کی آبادی میں چار گنا اضافہ ہوا ہے جبکہ دودھ کی پیداوار میں 10 گنا سے زیادہ اضافہ ہوا ہے۔ 1970 میں ملک میں فی کس دودھ کی کھپت 107 گرام تھی جو آج بڑھ کر 427 گرام فی کس ہوگئی ہے جو کہ دنیا کی اوسط کھپت 300 گرام سے زیادہ ہے۔ نریندر مودی حکومت ڈیری سیکٹر کی ترقی کے لیے کوئی موقع ضائع نہیں کرنے والی ہے اور اس کے لیے ہر ممکن کوشش کی جا رہی ہے تاکہ ہم دنیا کے سب سے بڑے ایکسپورٹر بن کر ابھریں۔
مسٹر شاہ نے کہا کہ آج ملک میں سفید انقلاب-2 کی ضرورت ہے اور ہم وزیر اعظم نریندر مودی کی قیادت میں اس سمت میں آگے بڑھ رہے ہیں۔ ڈیری سیکٹر میں کوآپریٹو ماڈل پورے نظام میں کسان اور صارف کے درمیان مڈل مین کو ختم کرکے سب سے زیادہ منافع بخش ماڈل ہے، جس میں آمدنی، غذائیت، لائیو اسٹاک کی یقین دہانی، انسانی مفاد کے تحفظ، روزگار اور خواتین کو بااختیار بنانے جیسے تمام پہلوؤں کو چھو لیا گیا ہے۔ مودی حکومت ڈیری سیکٹر میں کوآپریٹو ماڈل کو مضبوط بنانے کی کوشش کر رہی ہے۔ ,
انہوں نے کہا کہ آج دودھ کی پیداوار میں ہندوستان کا حصہ 21 فیصد تک پہنچ گیا ہے اور امول ماڈل نے اس میں بہت زیادہ تعاون کیا ہے۔ مودی حکومت ہندوستان میں ڈیری سیکٹر کی 360 ڈگری ترقی کے لیے ہر ممکن کوشش کر رہی ہے تاکہ ملک دنیا میں دودھ برآمد کرنے والا سب سے بڑا ملک بن کر ابھرے۔ ملک میں دو لاکھ پرائمری دودھ پروڈکشن سوسائٹیز کے قیام کے بعد دنیا بھر میں دودھ کی پیداوار کا 33 فیصد ہندوستان میں ہونے کا امکان ہے اور اس کے لیے مرکزی حکومت، ریاستی حکومتوں اور کوآپریٹو موومنٹ کو مل کر کام کرنا ہوگا۔ ہندوستان کو دودھ کی پیداوار کے ساتھ ساتھ دودھ کی پروسیسنگ کے آلات کے میدان میں دنیا کی سب سے بڑی منڈی بننا چاہیے۔ ہمیں اس مقصد کے ساتھ آگے بڑھنا ہے کہ 2033-34 تک، ہندوستان ہر سال تقریباً 330 ایم ایم ٹی دودھ کی پیداوار کے ساتھ دنیا کا 33 فیصد دودھ پیدا کرے۔
