بہار شریف میں اپوا اور سی پی آئی (ایم ایل)کی ٹیم کو فرقہ وارانہ تشدد سے متاثرہ علاقوں کا دورہ کرنے سے روک دیا گیا

 پارٹی دفتر میں ٹیم کی نظر بندی، انتظامیہ کا رویہ غیر جمہوری ہے، خواتین ٹیم کو روکنے کا کوئی جواز نہیں۔

کچھ متاثرین کو بلاکر تازہ ترین صورتحال کے بارے میں دریافت کیا، تشدد کی وارداتیں اب بھی جاری

علاقہ کے مکینوں نے ہندو مسلم اتحاد کی مثال قائم کردی، انتظامیہ کا رویہ مسلمانوں کے خلاف

14 اپریل کو ڈاکٹر امبیڈکر جینتی پر پورے بہار میں یکجہتی پروگرام منعقد کرنے کا اعلان

بہار شریف:9/اپریل (پریس ریلیز)سی پی آئی(ایم ایل) اور آل انڈیا پروگریسو ویمن ایسو سی ایشن (اپوا) کی ایک اعلیٰ سطحی ٹیم نے بہار شریف میں فرقہ وارانہ تشدد کے واقعات سے پیدا ہونے والی صورتحال کا جائزہ لینے کے لیے آج بہار شریف کا دورہ کیا، لیکن ضلع انتظامیہ نے ٹیم کو متاثرہ علاقوں کا دورہ کرنے سے روک دیا اور مالے ضلع دفتر میں نظر بند کردیا، ٹیم نے واقعہ کی شدید مذمت کرتے ہوئے کہا کہ انتظامیہ کا رویہ غیر جمہوری ہے۔ جب انہیں تشدد کے واقعات کے بارے میں فکر مند ہونا چاہئے تھا،اس وقت انہوں نے خاموشی اختیار کی، آج جب خواتین کی ٹیم مظلوم خواتین اور تعلیمی مراکز پر حملے کی تحقیقات کرنے اور خیر سگالی کا پیغام لے کر آئی ہے تو انہیں روکا جا رہا ہے۔ یہ انتظامیہ کی ناکامی ہے۔ اس ٹیم میں اے آئی پی ڈبلیو اے کی جنرل سکریٹری مینا تیواری، ریاستی سکریٹری ششی یادو، پھلواری شریف کے ایم ایل اے گوپال رویداس، انیتا سنہا، جوہی نساں، افشاں زبیں، عارفہ انیس، ساوتری دیوی، گریجا دیوی وغیرہ شامل تھیں۔

بعد ازاں پارٹی دفتر میں ہی ٹیم نے کچھ متاثرہ افراد سے بات چیت کی اور 31 مارچ کے واقعات اور اس کے بعد کی تازہ ترین صورتحال کی رپورٹ لی۔ پریس کانفرنس سے خطاب کرتے ہوئے اے آئی پی ڈبلیو اے کی جنرل سکریٹری مینا تیواری نے کہا کہ دفعہ 144 کے باوجود 7 اپریل کو چورا بگیچہ میں ہنگامہ آرائی اور لوٹ مار کے واقعات پیش آئے جو انتہائی تشویشناک ہے۔ اس کے برعکس انتظامیہ مسلم کمیونٹی پر حملہ کر رہی ہے اور انہیں گرفتار کر رہی ہے، جبکہ مسلمانوں کی دکانیں لوٹی گئیں اور مدارس/کالجوں کو جلایا گیا۔

لیکن دوسری طرف سے اب ہمیں خبریں مل رہی ہیں کہ مقامی باشندوں نے بہت سے مسلم خاندانوں کو بچانے کا کام کیا اور ہندو مسلم اتحاد کی ایک اچھی مثال پیش کی۔ جب دنگائی مسلمانوں کی دکانوں کو لوٹ رہے تھے اور انہیں مارنے کی کوشش کی جا رہی تھی تو ان کی حفاظت انتظامیہ نے نہیں بلکہ مقامی لوگوں نے اپنی جان خطرے میں ڈال کر ان کی مدد کی۔

اس سے یہ بھی ثابت ہوتا ہے کہ فرقہ وارانہ تشدد پھیلایا کے لیے بجرنگ دل، وشوا ہندو پریشد اور آر ایس ایس نے بڑے منصوبہ بند طریقے سے باہر سے ماہرین کو بلا کر آگ لگا کر بڑے پیمانے پر تشدد پھیلانے کی کوشش کی، لیکن مقامی لوگوں نے انہیں ناکام بنا دیا۔ انتظامیہ کا کردار مشکوک ہے اس لیے ایس پی کے خلاف کارروائی کی جائے۔

بہار شریف میں نہ صرف مسلمانوں کی دکانوں کو لوٹا اور جلایا گیا بلکہ تاریخی عزیزیہ مدرسہ اور لائبریری کو جلا کر مکمل طور پر تباہ کر دیا گیا۔ صغری کالج کو بھی آگ لگا دی گئی۔ تقریباً 100 سال قبل اس مدرسے کی بنیاد بی بی صغری نے رکھی تھی، جو ممکنہ طور پر ریاست کی پہلی مسلمان خاتون ماہر تعلیم تھیں، اپنے شوہر مولوی عبدالعزیز کی یاد میں، جنہوں نے نوآبادیاتی سرکاری ملازمت چھوڑ کر 1857 میں پہلی جنگ آزادی میں حصہ لیا تھا۔  اپنی اکلوتی بیٹی کی موت پر وہ خود بھی سوگ میں دنیا سے رخصت ہوئے۔

4500 سے زائد مسلمانوں کے صحیفے اور کتابیں جلا کر تباہ کر دی گئیں۔ وسطانیہ سے لے کر فاضل تک کی ڈگریاں جل کر راکھ ہو گئیں۔ ہزاروں طلبہ کا مستقبل لمحہ بھر میں ختم ہو گیا۔ کمپیوٹر اور فرنیچر مکمل طور پر جل کر راکھ ہو گیا۔ یہ وہ مدرسہ ہے۔ جہاں قرآن کے ساتھ ساتھ حدیث، فقہ، ہندی، انگریزی، اردو، عربی، ریاضی، جغرافیہ وغیرہ بھی پڑھائے جاتے ہیں۔ جہاں 500 سے زائد طلباء زیر تعلیم ہیں۔ یہ ملک کی گنگا جمونی ثقافت، اقلیتوں کی شناخت اور تعلیم کے مرکز پر ایک شعوری فاشسٹ حملہ ہے۔، مودی حکومت ‘بیٹی بچاؤ-بیٹی پڑھاؤ’ کا نعرہ دیتی ہے، لیکن اس کا تخریبی نظریہ سب سے پہلے تعلیمی مراکز کو نشانہ بناتا ہے۔ بہار شریف واقعہ میں مقامی بی جے پی ایم ایل اے ڈاکٹر سنیل سنگھ کے رول کی تحقیقات اور تمام متاثرہ خاندانوں کو ہونے والے نقصان کا سروے کرتے ہوئے مناسب معاوضہ، انصاف اور مدرسہ اور صغری کالج کی تعمیر نو کا مطالبہ کیا۔

یہ بھی اعلان کیا گیا کہ 11 سے 14 اپریل تک پورے بہار میں  تاریخی مرکز پر منصوبہ بند حملے اور فرقہ وارانہ تشدد کے خلاف خیر سگالی یکجہتی مہم چلائی جائے گی اور 14 اپریل کو بہار شریف میں ایک بڑا پروگرام بھی منعقد کیا جائے گا۔ پروگرام میں تمام جمہوریت پسند، امن پسند شہریوں اور عظیم اتحاد کی جماعتوں سے بی جے پی کی قیادت میں چلائی جارہی اس فرقہ وارانہ جنونی مہم کے خلاف منعقد سدبھاونا مارچ میں شرکت کی اپیل کی جائے گی۔