پٹنہ، :گنے کی صنعت محکمہ کی طرف سے چلائے جارہے گنا ٹیکنالوجی توسیع منصوبہ کے تحت ہفتہ کو دربھنگہ کے لہریا سرائے کے آڈیٹوریم میں ایک روزہ ایکسپوزر وزٹ اور ٹریننگ پروگرام کا آغاز کیا گیا۔ اس پروگرام کا افتتاح گنے کی صنعت کے وزیر سنجے کمار نے کیا۔ اس موقع پر انہوں نے کاشتکاروں کو گنے کی کاشت کی ترغیب دی اور ان پر زور دیا کہ وہ اپنے کاشت کے رقبہ میں اضافہ کریں اور جدید زرعی تکنیک اپنائیں ۔وزیر جناب سنجے کمار نے کہا کہ گنے کی کاشت کسانوں کی آمدنی بڑھانے کا ایک اہم ذریعہ بن سکتی ہے۔ ایسا کرنے کے لیے کسانوں کو جدید زرعی تکنیک کی معلومات حاصل کر نی چاہئے اور سائنسی طریقے سے کاشتکاری کی مشق کرنی چاہیے۔ انہوں نے کسانوں کو گنے کی پیداوار کے میدان میں آگے بڑھنے کی ترغیب دی اور ان کے روشن مستقبل کی خواہش کی۔
پروگرام کے دوران وزیر نے دربھنگہ اور مدھوبنی علاقوں کے کسانوں کو ٹریننگ اور گھومنے پھرنے کے لیے لے جانے والی بسوں کو ہری جھنڈی دکھائی۔ اس اقدام کا مقصد کسانوں کو گنے کی جدید کاشت سے متعلق تکنیکی معلومات فراہم کرنا اور انہیں جدید پیداواری نظام سے متعارف کرانا ہے۔اس پروگرام کے تحت کل 240 کسانوں کودورہ کر نے کے لیے بھیجا گیا ہے، جن میں ریگا شوگر مل، ریگا، سیتامڑھی کے 160 کسان، اور حسن پور شوگر مل، سمستی پور کے 80 کسان شامل ہیں۔ دورہ کے دوران، کسان گنے کی پیداوار کی جدید تکنیک، ٹشو کلچر، معیاری بیج، مٹی کی جانچ اور جدید زرعی طریقوں کی عملی جانکاری حاصل کریں گے۔ شوگر ملوں کا دورہ کسانوں کو کاشتکاری کے جدید طریقوں کو قریب سے سمجھنے اور انہیں اپنے فارموں پر اپنانے کا موقع فراہم کرے گا۔
محکمہ کی طرف سے اس اقدام سے کسانوں کو روایتی کاشتکاری طریقوں کے ساتھ ساتھ سائنسی طریقوں کے استعمال کے بارے میں آگاہی حاصل کرنے میں مدد ملے گی۔ اس سے گنے کی پیداواری صلاحیت اور معیار کو بہتر بنانے اور کسانوں کی آمدنی بڑھانے میں مثبت نتائج برآمد ہونے کی امید ہے۔
اس موقع پر جوائنٹ شوگر کین کمشنر مسٹر ویدورت کمار، اسسٹنٹ ڈائریکٹر شوگر کین ڈیولپمنٹ، دربھنگہ اور پروگرام ڈائریکٹر مسٹر اجیت کمار پرساد، شوگر کین آفیسر، دربھنگہمسٹر پشکر راج اور انڈین پوٹاش لمیٹڈ کین ہیڈ مسٹر ونود تیواری(ریام اورشکری شوگر ملز) موجود تھے۔