پٹنہ، 6 اپریل (اے بی این) وزیر اعلیٰ نتیش کمار نے پیر کو ودھایک آواسن یوجنا کے تحت ودھان پریشد اتتھی نواس (گیسٹ ہاؤس) کا افتتاح کیا۔ وزیر اعلیٰ مسٹر کمار نے کینٹین اور لائبریری کی عمارت کے ساتھ ساتھ کمیونٹی سینٹر کا بھی افتتاح کیا۔ انہوں نے نو تعمیر شدہ ودھان پریشد اتتھی نواس کا معائنہ کیا اور وہاں فراہم کی جا رہی سہولیات اور انتظامات کے بارے میں معلومات حاصل کیں۔وزیر اعلیٰ مسٹر کمار پہلی منزل اور چھت پر بھی گئے اور اتتھی نواس کے مختلف حصوں کا جائزہ لیا۔ انہوں نے کہا کہ ودھان پریشد اتتھی نواس بہت اچھا تعمیر ہوا ہے۔ ودھان پریشد کے ارکان کو یہاں کی سہولیات کا فائدہ ملے گا۔
واضح رہے کہ ودھان پریشد کے ارکان کے لیے گیسٹ ہاؤس، کمیونٹی سینٹر، کینٹین اور لائبریری تعمیر کی گئی ہے۔ ودھان پریشد اتتھی نواس ایک پانچ منزلہ عمارت ہے، جس میں بیسمنٹ، گراؤنڈ فلور اور چار منزلیں تعمیر کی گئی ہیں۔ اس عمارت میں 30 سوئٹ روم، چار لاؤنج اور سکیورٹی لاؤنج تعمیر کیے گئے ہیں۔ عمارت میں آٹھ افراد کی گنجائش والی لفٹ لگائی گئی ہے۔ ہر سوئٹ روم میں ایک چھوٹا کچن، ڈرائنگ روم اور آرام کے لیے ایک کمرہ (بشمول بیت الخلا) تعمیر کیا گیا ہے۔
کینٹین اور لائبریری کی عمارت ایک دو منزلہ عمارت ہے، جس کے ایک حصے میں کینٹین اور دوسرے حصے میں لائبریری بنائی گئی ہے۔ کینٹین کے گراؤنڈ فلور اور پہلی منزل پر کینٹین ڈائننگ ہال، کچن، ریسٹ روم، پینٹری، اسٹور، سروس ایریا اور بیت الخلا تعمیر کیے گئے ہیں۔ لائبریری کے گراؤنڈ فلور پر آفس روم، لائبریری اور بیت الخلا تعمیر کیے گئے ہیں۔ لائبریری کی پہلی منزل پر ریڈنگ ہال، لابی اور اسٹور بنایا گیا ہے۔ کمیونٹی سینٹر ایک دو منزلہ عمارت ہے۔ اس کے گراؤنڈ فلور اور پہلی منزل پر ہال، اسٹور، کچن، لابی اور بیت الخلا تعمیر کرائے گئے ہیں۔