جے ڈی یو کے ریاستی دفتر میں دیہی ترقیات، اطلاعات و رابطہ عامہ کے وزیر اور جے ڈی یو قانون ساز پارٹی کے لیڈر جناب شرون کمار اور دیہی امور کے وزیر جناب سنیل کمار جن سنوائی پروگرام سمیں نے ریاست کے مختلف اضلاع سے آئے عوام کی شکایات سنیں۔ انہوں نے متعلقہ حکام سے بذریعہ ٹیلی فون بات کرکے فریادیوں کیشکایات کے قانونی اور فوری حل کے لیے ضروری رہنمائی ہدایات دیں۔ دونوں رہنماؤں نے جموئی واقعہ کی شدید مذمت کی اور ذمہ داروں کے خلاف سخت کارروائی کی بات کہی۔
وزیر شراون کمار نے کہا کہ جموئی کے واقعہ سے لوگ شدید غمزدہ ہیں اور حکومت اور انتظامیہ اس معاملے میں پوری طرح سے حساس ہے۔ قصورواروں کو کسی صورت بخشا نہیں جائے گا اور ان کے خلاف سخت کارروائی کی جائے گی۔ انہوں نے مزید کہا کہ سابق وزیر اعلیٰ جناب نتیش کمار نے بہار میں قانون کی حکمرانی قائم کی، اور عزت مآب وزیر اعلیٰ جناب سمراٹ چودھری کی قیادت میں این ڈی اے حکومت اسی پالیسی پر کام کر رہی ہے۔ ماضی میں بھی ایسی حرکتیں کرنے والوں کے خلاف کارروائی کی گئی ہے اور حکومت اس معاملے میں بھی ایسے عناصر کے خلاف سخت کارروائی کرے گی۔
دیہیامور کے وزیر جناب سنیل کمار نے جموئی واقعہ کی مذمت کی اور کہا کہ وہاں کے پولیس افسران صورتحال پر گہری نظر رکھے ہوئے ہیں۔ انہوں نے کہا کہ وہ ذاتی طور پرایس پی سے بات کریں گے تاکہقصورواروں کے خلاف سخت کارروائی کو یقینی بنایا جا سکے۔ انہوں نے کہا کہ یہ واقعہ قابل مذمت ہے اور حکومت اس بات کو یقینی بنانے کے لیے پوری طرح تیار ہے کہ ایسے واقعات دوبارہ نہ ہوں۔
انہوں نے یہ بھی کہا کہ اپوزیشن کا خزانہ خالی ہونے کا الزام بالکل بے بنیاد ہے۔ اپوزیشن لیڈر صرف سرخیوں میں رہنے کے لیے بے بنیاد الزامات لگاتے ہیں۔ حکومت سیلاب متاثرین کی امداد اور بچاؤ کے لیے مسلسل کام کر رہی ہے۔ اس موقع پر قانون ساز کونسل میں حکمراں پارٹی کے چیف وہپ، شری سنجے کمار سنگھ عرف "گاندھی جی" اور ریاستی جنرل سکریٹری اور ہیڈ کوارٹر انچارج جناب سمیت کمار سنگھ بھی موجود تھے۔