(پریس ریلیز پھلواری شریف :۱۷؍دسمبر ۲۰۲۵)

شعبہ تحفیظ القرآن جو امارت شرعیہ کی نگرانی میں چل رہا ہے الحمد للہ امیر شریعت بہار ،اڈیشہ ،جھارکھنڈ ومغربی مولانا احمد ولی فیصل رحمانی صاحب کی امارت وقیادت میں ترقی کی راہ پر گامزن ہے جس کے دوہونہارمعصومبچے محمدزیدبن مولانامحمدناظم اختر،امام مسجد عمرفاروق اورمحمدسہیل بن محمدسہراب سنگی مسجدکے قرآن پاک حفظ مکمل کرنے پرایک خصوصی نشست ہوئی،جس میں حضرت مولانامفتی سعیدالرحمن قاسمی صاحب ناظم امارت شرعیہ بہار،اڈیشہ ،جھارکھنڈ ومغربی بنگال وصدرمفتی امارت شرعیہ نے بچوں کومبارکباد دیتے ہوئے انہیں حافظ قرآن کے ساتھ عامل قرآن بھی بننے کی تاکید کی،انہوں نے بچوں کے سرپرستوں سے بھی نیک تمناؤں کااظہارکرتے ہوئے کہاکہ آپ نے اپنے بچوں کوحافظ قرآن بناکرایک بڑاکارخیر کیا،امارت شرعیہ کے صدرقاضی شریعت مولانامفتی محمدانظارعالم قاسمی نے کہاکہ بچوں نے قرآن پاک کویادکرکے اپنے سینہ کوروشن ومجلیٰ کیا،آپ اس کی حفاظت کیجئے ،ان شاء اللہ قرآن آپ کی حفاظت کرے گا،اس شعبہ کے نگراں مولانامفتی محمدثناء الہدیٰ قاسمی صاحب نائب ناظم امارت شرعیہ نے بچوں کونصیحت کرتے ہوئے کہاکہ جوکچھ سینے میں محفوظ کیاہے اس کو سنبھال کررکھئےاور روزانہ کم از کم چار ماہ قرآن کریم کی تلاوت کا اہتمام کیجئے ۔شعبہ تحفیظ القرآن کے اساتذہ قاری مجیب الرحمان صاحب اور قاری شمس الزماں صاحب نے بھی حفاظ کرام اور ان کے گارجین کومبارکباد دیااورکہاکہ اﷲکے فضل وکرم سے اب تک یہاں سے پچاس ساٹھ بچے تکمیل حفظ کرچکے ہیں،اور دین کی خدمت انجام دے رہے ہیں اس وقت بھی کئی بچے حفظ مکمل کرنے کے مرحلے میں ہیں،مولانارضوان احمدندوی،مولانامنت اﷲحیدری قاسمی،مولانامرسل احمد،مولاناارشد رحمانی آفس انچارنج،مولانامنہاج ندوی،مولانامحمدصابرصاحب وغیرہ نے بھی حفاظ کرام کومبارکباد پیش کیا،یہ نشست حضرت ناظم صاحب کی دعاپراختتام پذیر ہوئی۔