پٹنہ، 21 اگست:مصنوعی ذہانت (اے آئی) کے میدان میں اختراعات، تکنیکی صلاحیتوں کی ترقی اور روزگار کے نئے مواقع کو فروغ دینے کے لیے بہار میں ایک اہم پہل کی گئی ہے۔ حکومت بہار کے محکمہ انفارمیشن ٹیکنالوجی اورکنویجینئس اے آئی کے درمیان مفاہمت کی ایک یادداشت پر دستخط کیے گئے ہیں۔ اس مفاہمت نامے پر انفارمیشن ٹیکنالوجی کے وزیر جناب نتیش مشرا کی موجودگی میں دستخط کیے گئے۔
بہار کو ایک اے آئی انیبل اسٹیٹ کے طور پر ترقی دینا اور ریاست میں AI پر مبنی بنیادی ڈھانچے، مصنوعات، خدمات اور ٹیکنالوجی کے حل کی ترقی کی حوصلہ افزائی کرنا ہے۔اس موقع پر وزیر جناب نتیش مشرا نے کہا کہ بہار مصنوعی ذہانت کے ساتھ تیزی سے بہتر مستقبل کی طرف بڑھ رہا ہے۔ عزت مآب وزیر اعلیٰ جناب سمراٹ چودھری کا وژن بہار کو تکنیکی طور پر بااختیار، اختراع پر مبنی اور مستقبل کے لیے تیار ریاست بنانا ہے۔ اے آئی اور ابھرتی ہوئی ٹیکنالوجی میں سرمایہ کاری، اعلیٰ ہنر مند تکنیکی صلاحیتوں کی نشوونما، اور نوجوانوں کے لیے روزگار کے نئے مواقع پیدا کرنا اس وژن کو عملی جامہ پہنانے کی جانب اہم قدم ہیں۔انہوں نے بتایا کہ کنویجنیس اے آئی ہندوستان کی سرکردہ اے آئی نیٹیو ٹیکنالوجی کمپنیوں میں سے ایک ہے، جو بڑے پیمانے پر اے آئی انفراسٹرکچر کی تعمیر اور اے آئی سلیوشن کے ڈپلائمنٹ کے شعبہ میں کام کر تی ہے۔ کمپنی ٹیکنالوجی، تعلیمی ڈیزائن، اثرات کی تشخیص، اور تبدیلی کے انتظام کے شعبوں میں 500 سے زیادہ پیشہ ور افراد کی ٹیم کے ساتھ کام کرتی ہے۔ کمپنی کی کئی ریاستوں اور مرکز کے زیر انتظام ریاستوں کے ساتھ شراکت داری اور جاری مصروفیات ہیں۔
وزیر جناب نتیش مشرا نے کہا کہ یہ تعاون ریاست میں اے آئی اختراعات، ہنرمندی کی ترقی، ٹیکنالوجی کی تعیناتی، اور روزگار پیدا کرنے میں تیزی لائے گا۔ یہ سرمایہ کاری 100 سے زائد براہ راست روزگار کے مواقع پیدا کرنے کے ساتھ ساتھ مقامی طور پر اعلیٰ ہنر مند تکنیکی صلاحیتیں پیدا کرے گی اور نوجوانوں کے لیے نئے مواقع پیدا کرے گی۔
اس تعاون سے ریاست میں اے آئی اینو یشن، اسکل ڈیولپمنٹ، ٹیکنالوجی ڈپلائمنٹ، اور روزگار پیدا کرنے میں تیزی لائے گا، اور مقامی طور پر اعلیٰ ہنر مند تکنیکی صلاحیتوں کی تخلیق کی حوصلہ افزائی کرے گا۔ مفاہمت کی یادداشت پر محکمہ کی جانب سے جناب شاہنواز احمد نیازی، ڈپٹی سیکریٹری اور ConveGenius.AI کی جانب سے جناب جے راج بھٹاچاریہ، چیف ایگزیکٹو آفیسر نے دستخط کیے۔قابل ذکر ہے کہ محکمہ انفارمیشن ٹکنالوجی، حکومت بہار، ریاست کو ڈیجیٹل طور پر بااختیار بنانے، اختراع پر مبنی اور مستقبل کے لیے اے آئی اور ابھرتی ہوئی ٹیکنالوجیز کے ذریعے تیار کرنے کے لیے مسلسل اقدامات کر رہا ہے۔