بہار میں ایک ڈیڈیکٹیڈ فوڈ پروسیسنگ پارک کو فروغ دینے کے مقصد سے منگل کو دبئی میں منعقد سالانہ سرمایہ کاری میٹنگ کانگریس 2026 کے دوران صنعت محکمہ نے ایم گلوبل فائونڈیشن کے ساتھ ایک مفاہمت نامہ پر دستخط کیا ہ۔تاکہ متحدہ عرب امارات (یو اے ای)سے سرمایہ کاری کو بنیاد بنا سکے ۔
قابل ذکر ہے کہ وزیر اعلیٰ جناب سمراٹ چودھری کی دور اندیش قیادت میں بہار سرمایہ کاری، اختراعات اور صنعتی ترقی کے لئے ایک نئی منزل کے طور پر ابھر رہا ہے۔ اس رجحان کو جاری رکھتے ہوئے، محکمہ کے سکریٹری جناب کندن کمار اور ایم گلوبل فاؤنڈیشن کے چیئرمین ایچ ای داؤد الشجاوی نے وزیر صنعت محترمہ شریشی سنگھ کی موجودگی میں مفاہمت نامہ پر دستخط کیے۔ اس موقع پر حکومت بہار کے ڈائریکٹر انڈسٹریز مسٹر مکل کمار گپتا بھی موجود تھے۔
اس موقع پر خطاب کرتے ہوئے وزیر صنعت محترمہ شریسی سنگھ نے کہا کہ ایم گلوبل فاؤنڈیشن کے ساتھ یہ شراکت داری بہار کو سرمایہ کاری کا پسندیدہ مقام بنانے کی سمت ایک اہم قدم ہے۔ ڈیڈیکیٹیڈ فوڈ پروسیسنگ پارک، جو متحدہ عرب امارات کی سرمایہ کاری سے تیار کیا جائے گا، ہمارے کسانوں اور صنعتوں کو عالمی سپلائی چینز سے منسلک ہونے میں مدد کرے گا۔ یہ بہار میں صنعتی ترقی کو تیز کرنے کے وزیر اعلیٰ جناب سمراٹ چودھری کے وژن کی بھی عکاسی کرتا ہے۔
محکمہ صنعت کے سکریٹری مسٹر کندن کمار نے کہا، ''یہ ایم او یو فوڈ پروسیسنگ کے شعبے میں بہار اور متحدہ عرب امارات کے سرمایہ کاروں کے درمیان منظم تعاون کی مضبوط بنیاد رکھے گا۔ ہم سرمایہ کاری کے ٹھوس مواقع کی نشاندہی کرنے اور اس شراکت داری کو مزید فروغ دینے کے لیے Aim Global Foundation کے ساتھ کام کرنے کے لیے پرعزم ہیں۔
اس مفاہمت نامے کے تحت ایم گلوبل فاؤنڈیشن اور بہار انڈسٹریز ڈیپارٹمنٹ ایک مربوط ایگری فوڈ اور فوڈ پروسیسنگ کلسٹر تیار کرنے کے لیے مل کر کام کریں گے۔ اس سے متحدہ عرب امارات اور خلیج کے وسیع علاقے میں کمپنیوں، اداروں اور سرمایہ کاروں کی جانب سے سرمایہ کاری کو راغب کیا جائے گا۔ اس اقدام کا مقصد بہار کی زرعی صلاحیت سے فائدہ اٹھانا اور ریاست کو خلیجی ممالک کے فوڈ سپلائی چین کے لیے ایک بڑے سورسنگ اور پروسیسنگ مرکز کے طور پر قائم کرنا ہے۔