پٹنہ، 13 اگست، 2026: وزیر اعلیٰ سمراٹ چودھری نے آج لوک سیوک آواس واقع’سنکلپ‘ آڈیٹوریم میں پٹنہ میں مختلف اراضی کے ری ڈیولپمنٹ اور تعمیر کے سلسلے میں جائزہ میٹنگ کی۔ میٹنگ کے دوران وزیر اعلیٰ نے پٹنہ کی منصوبہ بند ترقی، سرکاری اراضی کے بہتر استعمال اور جدید انفراسٹرکچر کی تعمیر کے لیے ضروری ہدایات دیں۔
میٹنگ میں نیشنل بلڈنگ کنسٹرکشن کارپوریشن لمیٹڈ (این بی سی سی) نے پٹنہ میں ورلڈ ٹریڈ سینٹر کی تعمیر کے لیے ایک تجویز پیش کی ساتھ بہار میوزیم نہرو پتھ کے سامنے واقع اراضی ، گردنی باغ، بھوت ناتھ سیکٹر 6 اور بورنگ کینال روڈ کے ریڈیولپمنٹ کے لیے بھی تجاویز پیش کی گئیں۔
جائزہ کے دوران وزیر اعلیٰ نے کہا کہ پٹنہ کو ایک جدید اور عالمی شہر بنانے کے لیے اس طرح کے اہم پروجیکٹوں کو ترجیح دی جانی چاہیے۔ پٹنہ میں دستیاب مختلف سرکاری اراضی کے ری دیولپمنٹ کے لیے ایکشن پلان تیار کرنے کی تجویز اچھی ہے۔ اس سلسلے میں، نیشنل بلڈنگ کنسٹرکشن کارپوریشن (این بی سی سی) نے مختلف علاقوں میں تعمیرات اور ری ڈیولپمنٹ کے لیے ماڈل تیار کرنے کا مطالبہ کیا ہے۔ انہوں نے کہا کہ پرانی اور خستہ حال سرکاری عمارتوں کی جگہ پر ضرورت کے مطابق دوبارہ تعمیر اور نئی تعمیر کا کام کرایا جائے گا۔
وزیر اعلیٰ نے پاٹلی پترا ٹاؤن شپ میں تقریباً 2,000 ایکڑ اراضی اور دیگر ٹاؤن شپ میں 1,000 ایکڑ اراضی پر ٹاؤن شب کی تعمیر و ترقی کے لیے ایک ایکشن پلان تیار کرنے کی ہدایت دی۔ پٹنہ، گیا، بھاگلپور، بیگوسرائے اور دربھنگہ جیسے شہروں میں ترقی کے لیے موزوں سرکاری اراضی کی نشاندہی کرنے اور مربوط ترقیاتی منصوبہ تیار کرنے پر بھی زور دیا گیا۔ وزیر اعلیٰ نے پٹنہ کے مختلف علاقوں میں دستیاب اراضی کی نشاندہی کرکے اور سرکاری اثاثوں کے زیادہ سے زیادہ استعمال کو یقینی بناتے ہوئے ایک ماسٹر پلان تیار کرنے کی ہدایت دی۔ انہوں نے تعمیراتی منصوبوں میں جدید ٹیکنالوجی، ماحولیاتی معیارات اور "زیرو ویسٹ ماڈل" کو اپنانے پر بھی خصوصی زور دیا۔
تجویز کے مطابق، پٹنہ میں مختلف پروجیکٹوں کے ذریعے تقریباً 4,000 کروڑ روپے کی سرمایہ کاری کی توقع ہے، جب کہ ان پروجیکٹوں سے تقریباً 8,000 کروڑ روپے کی آمدنی متوقع ہے۔
وزیراعلیٰ نے افسران کو ہدایت دی کہ وہ ترقیاتی پروجیکٹوں کے لیے جلد مناسب اراضی کی نشاندہی کریں، تفصیلی ایکشن پلان تیار کریں، اور تعمیر و ترقی کے کام کو معیاری اور بروقت آگے بڑھائیں۔ انہوں نے کہا کہ پٹنہ کی جامع اور منصوبہ بند ترقی کے لیے سرکاری اراضی اور اثاثوں کا زیادہ سے زیادہ استعمال یقینی بنایا جائے ۔
میٹنگ میں شہری ترقیات و رہائش کم انفارمیشن ٹکنالوجی کے وزیر جناب نتیش مشرا، وزیر اعلیٰ کے پرنسپل سکریٹری مسٹر دیپک کمار، چیف سکریٹری پرتیئے امرت، دیہی امور و محکمہ انفارمیشن ٹکنالوجی کے سکریٹری مسٹر ابھے کمار سنگھ، وزیر اعلیٰ کے سکریٹری مسٹر سنجے کمار سنگھ، بلڈنگ کنسٹرکشن ڈپارٹمنٹ کے سکریٹری مسٹر پرنؤ کمار، شہری ترقیات ورہائش محکمہ کے سکریٹری مسٹر انیمیش پراسر۔شری ترقیات و رہائش محکمہ کے اسپیشل سیکریٹری مسٹر نلیش رام چندر دیورے، پٹنہ کے میونسپل کمشنر مسٹر یشپال مینا، این بی سی سی کے چیئرمین ڈاکٹر کے پی مہا دیو سوامی سمیت این بی سی سی کے دیگر سینئر افسران موجود تھے۔