پٹنہ (اے بی این) محکمہ تعمیراتِ سڑک کے وزیر انجینئر کمار شیلندر نے پیر کے روز کہا کہ ریاست میں ترقیاتی کام شفافیت اور معیار کی بنیاد پر مکمل کیے جائیں گے اور جدید ٹیکنالوجی کے استعمال پر خصوصی زور دیا جائے گا۔ مسٹر شیلندر نے آج محکمہ تعمیراتِ سڑک کے وزیر کا عہدہ سنبھالنے کے بعد صحافیوں سے گفتگو کرتے ہوئے کہا کہ ریاست میں سڑک، پل اور دیگر بنیادی ڈھانچے کے منصوبوں کو جدید ترین ٹیکنالوجی کے ذریعے عملی شکل دینے کے لیے محکمانہ انجینئروں کو مہاراشٹر اور گجرات جیسے ریاستوں میں بھیجا جائے گا، تاکہ وہ وہاں کی تکنیکی نظام اور کام کے طریقۂ کار کا مطالعہ کر سکیں۔ وزیر نے کہا کہ بہار اب بھی جدید ٹیکنالوجی پر مبنی کئی ترقیاتی کاموں سے محروم ہے اور حکومت اس سمت میں تیزی سے کام کرے گی۔ انہوں نے کہا کہ انجینئروں اور افسران کو تکنیکی طور پر ماہر بنا کر ترقیاتی منصوبوں کے نفاذ میں معیار کو یقینی بنایا جائے گا۔ عہدہ سنبھالنے سے قبل وزیر نے محکمانہ دفتر میں باقاعدہ پوجا اَرچنا بھی کی۔ اس موقع پر محکمہ تعمیراتِ سڑک کے سکریٹری پنکج کمار پال نے انہیں گلدستہ پیش کر کے خیر مقدم کیا۔