موتیہاری :
مولانا مظہر الحق عربی فارسی یونیورسٹی پٹنہ بہار کے زیر اہتمام مدرسہ اسلامیہ دریا پور مشرقی جمپارن میں درجہ عالم و درجہ فاضل کا امتحان پر امن جاری ہے۔ مدرسہ کے پرنسپل وسنٹر سپرٹنڈنٹ مولانا عبداللہ قاسمی نے نمائندہ کو جانکاری دیتے ہوئے بتایا کہ مدرسہ اسلامیہ دریا پور کو ضلع مشرقی جمپارن کا درجہ عالم اور فاضل کا مرکز بنایا گیا ہے۔ اس امتحان مرکز پر کل 598 طلبہ و طلبات امتحان میں شریک ہو رہے ہیں۔انہوں نے بتایا کہ عالم سال اول میں 279 عالم سال دوم میں 151 اور عالم سال سوم میں 108 طلبہ و طلبات شریک ہیں جبکہ فاضل سال اول میں 43 اور فاضل سال دوم میں 17 طلبہ طلباء نے امتحان میں شرکت کی ہے۔ اس طرح سے پہلی نشست میں 322 اور دوسری نشست میں 276 کل 598 طلبہ و طلبات امتحان میں شرکت کر رہے ہیں۔ یونیورسٹی کے ذریعے بنائے گئے آبزرور مسٹر صیوم انصاری امتحان مرکز پر لگاتار بنے ہوئے ہیں، امتحان صاف وشفاف اور پرامن ماحول میں ہو اس کے لئے آبزرور موصوف پوری مستعدی کے ساتھ مر کز پر بنے ہوئے ہیں۔اس موقع سے مدرسہ کمیٹی کے صدر الحاج نظام خان، ابزرور کی حیثیت سے ماسٹر صیوم انصاری ،محافظین میں مولانا ذکر اللہ قاسمی، مولانا خورشید عالم، مولانا افروز عالم مظاہری، مولانا جاوید عالم قاسمی مولانا طہ کمال حافظ مبارک حسین، ماسٹر اشرف، عبد القادر، عرف غالب صاحب ،قاری عالم، ماجد خان، پیارے خان،نذرانہ پروین کے علاوہ دیگر اساتذہ موجود تھے۔ آبزرور مسٹر صیوم انصاری نے بتایا کہ امتحان کو بدعنوانی سے پاک ماحول میں منعقد کرانے میں جن لوگوں کا بہتر تعاون مل رہا ہے ان میں مدرسہ کے سیکریٹری ایام الحق خان، نائب صدر محمد نظام خان، فعال ممبر عالمگیر خان علیگ، ماسٹر عبد القادر، نعیم الدین عرف موتی خان، عامر سبحانی وغیرہم کے نام قابل ذکر ہیں۔ باہر اور دور دراز سے آنے والے طلبہ و طالبات کے لئے اہل دریاپور نے کافی فراخدلی کا مظاہرہ کیا ہے۔ ان کے رہنے اور کھانے پینے میں کسی طرح پریشانی نہ ہو اس کے لئے انہوں نے ہر ممکن تعاون فراہم کیا ہے۔