پٹنہ، 22 اگست2026پاٹلی پترا گرین فیلڈ سیٹلائٹ ٹاؤن شپ کے تعلق سے اسٹیک ہولڈرز کے ساتھ میٹنگ ہفتہ کو انرجی آڈیٹوریم میں شہری ترقیات و رہائش محکمہ کے زیراہتمام منعقد ہوئی۔ اس میٹنگ کی صدارت شہری ترقیات اور رہائش محکمہِ کے وزیر جناب نتیش مشرا نے کی۔
اس موقع پر شہری ترقیات اور رہائش کے وزیر مسٹر مشرا نے کہا کہ ہمارے ملک میں شہروں کی ترقی نہیں ہوئی۔ آبادی بڑھی تو شہر ترقی کرنے لگے۔ تیزی سے بڑھتی ہوئی آبادی کے پیش نظر شہروں کووسیع کر نا ضروری ہو گیا ہے۔ آج شہروں کوسیع کر نے کی ضرورت ہے۔ تب ہی آنے والی نسلوں کو ریاست میں روزگار کے مواقع میسر ہوں گے اور وہ دوسری ریاستوں کو ہجرت کرنے پر مجبور نہیں ہوں گے۔ اس مقصد کے لیے ریاست میں 12 نئی گرین فیلڈ سیٹلائٹ ٹاؤن شپ قائم کرنے کا منصوبہ بنایا گیا ہے۔
انہوں نے کسانوں کو یقین دلایا کہ ان کی رضامندی کے بغیر کوئی زمین حاصل نہیں کی جائے گی۔ وقتاً فوقتاً ہم لوگوں کے درمیان جا کر اپنا منصوبہ بیان کریں گے۔ اگر کوئی کوشش ہو رہی ہے تو سب کا تعاون درکار ہے۔شہری ترقیات کے وزیر نے کہا کہ ہر کسی کو آنے والی نسلوں کے بارے میں سوچنا چاہیے۔ تمام کسانوں سے اپیل کرتے ہوئے انہوں نے کہا کہ آئیں مل کر ایک ایسا بہار بنائیں جو دوسری ریاستوں سے بہتر ہو۔
دریں اثنا، شہری ترقیات و رہائش محکمہ کے سکریٹری مسٹر ونے کمار نے کہا کہ گرین فیلڈ سیٹلائٹ ٹاؤن شپ صرف ایک نیا شہر بنانے کا منصوبہ نہیں ہے۔ یہ بہار کے شہروں کے لیے آج سے بہتر انداز میں مستقبل کی منصوبہ بندی کی کوشش ہے۔ زمین کے مالکان، مقامی لوگ، حکومت، اور دیگر اسٹیک ہولڈرز اس مستقبل کی تعمیر میں سبھی اہم شراکت دار ہیں۔اس کو ذہن میں رکھتے ہوئے، محکمہ شہری ترقیات و رہاش نے عوام اور مختلف اسٹیک ہولڈرز سے تجاویز اور اعتراضات طلب کرنے کے لیے "پاٹلی پترا گرین فیلڈ سیٹلائٹ ٹاؤن شپ ڈیولپمنٹ پلان 2047" کا مسودہ شائع کیا ہے۔انہوں نے کہا کہ بڑھتی ہوئی آبادی اور اقتصادی سرگرمیوں کی وجہ سے بہار کے موجودہ شہر مسلسل دباؤ میں ہیں۔ گرین فیلڈ ٹاؤن شپ اس دباؤ کو متوازن کرنے میں اہم کردار ادا کر سکتی ہیں، ساتھ ہی نئی رہائش، روزگار، سرمایہ کاری اور کاروبار کے مواقع بھی فراہم ہو سکتے ہیں۔ پاٹلی پترا ٹاؤن شپ جیسے منصوبہ بند شہری علاقوں میں پٹنہ کی ترقی اور علاقائی اقتصادی سرگرمیوں کو فروغ دینے کی صلاحیت ہے۔
پاٹلی پترا ٹاؤن شپ کا مجوزہ علاقہ نو بلاکوں کے 273 گاؤں پر پھیلا ہوا ہے۔ اس میں پن پن، نوبت پور، مسوڑھی، فتوحا، سپتچک، پٹنہ دیہی، دھنروا، دنیاواں اور پھلواری بلاک کے علاقے شامل ہیں۔ خصوصی زون میں دو شہری علاقے بھی شامل ہیں: نوبت پور نگر پنچایت (جزوی) اور پنپن نگر پنچایت (مکمل)۔ پاٹلی پترا ٹاؤن شپ کا کل مجوزہ رقبہ تقریباً 81,730 ایکڑ ہے۔ اس میں 3,008 ایکڑ کا بنیادی رقبہ شامل ہے، جس میں پنپن بلاک کے 19 گاؤں شامل ہیں۔تفصیلات بتاتے ہوئے انہوں نے کہا کہ ترقیاتی منصوبہ، زمین کے استعمال کا منصوبہ، اور ٹاؤن پلاننگ اسکیم ٹاؤن شپ کی ترقی کے لیے اہم ہوں گی۔ لینڈ پولنگ، زمینی مصالحت، یا دیگر قابل اطلاق زمینی انتظامات کے ذریعے زمینداروں کو ترقیاتی عمل میں شامل کرنے کی کوشش کی جا سکتی ہے۔ چھوٹے زمینداروں، کسانوں اور مقامی لوگوں کے مفادات کو مدنظر رکھتے ہوئے شراکتی اور مساوی ترقی کو یقینی بنانا اہم ہوگا۔ جہاں ضروری ہو، رضامندی پر مبنی انتظامات یا قابل اطلاق قانون کے مطابق زمین کے حصول کے طریقہ کار کو اپنایا جا سکتا ہے۔