وزیر اعلی سمراٹ چودھری نے اتوار کے روز جموئی ضلع کے جھاجھابلاک میں نیو بودوا بس اسٹینڈ کے قریب سردار ولبھ بھائی پٹیل کے ا?دم قد مجسمے کی نقاب کشائی کی۔ سردار پٹیل کو خراج عقیدت پیش کرتے ہوئے انہوں نے کہا کہ ان کا مضبوط ارادہ، حب الوطنی، اور ملک کے اتحاد اور سالمیت کے لیے لگن ہمیشہ ہم وطنوں کے لیے تحریک کا باعث رہے گی۔وزیراعلیٰ نے کہا کہ انہیں جھاجھاکی سرزمین سے خصوصی لگاو?ہے اور انہیں یہاں کے لوگوں سے لگاتار پیار اور محبت ملتی رہی ہے۔ انہوں نے کہا کہ ملک کے اتحاد میں سردار ولبھ بھائی پٹیل کا تعاون بے مثال ہے۔ انہوں نے ایک متحدہ ہندوستان کا خواب دیکھا تھا، اور ان کے خیالات اور نظریات ا?ج بھی قوم کی تعمیر کی رہنمائی کرتے ہیں۔
سمراٹ چودھری نے کہا کہ وزیر اعظم نریندر مودی نے ترقی یافتہ ہندوستان کا خواب دیکھا، اور سابق وزیر اعلیٰ نتیش کمار نے خوشحال بہار کا خواب دیکھا۔ ان اہداف کو پورا کرنا بہار حکومت کی ترجیح ہے۔ ریاست میں صنعتی ترقی کو تیز کرنے کے لیے مختلف شعبوں میں صنعتیں قائم کرنے کا کام شروع کیا گیا ہے۔وزیر اعلیٰ نے کہا کہ نقل و حمل کے نظام کو مضبوط بنانے کے لیے ریاست میں 100 سے زیادہ نئے بس اسٹینڈ بنائے جائیں گے۔ صحت کی خدمات کو بھی مسلسل بہتر بنایا جا رہا ہے۔ حکومت کا مقصد بہار کے لوگوں کو صحت مند، تعلیم یافتہ اور خوشحال بنانا ہے۔ ضلع اسپتالوں کو مضبوط بنایا جا رہا ہے اور اس وقت 36 قسم کی سرجری کی جاتی ہیں۔انہوں نے عہدیداروں کو واضح طور پر ہدایت دی کہ اگر کوئی ڈاکٹر بغیر کسی وجہ کے مریض کو ریفر کرتا ہے تو اس کا احتساب کیا جائے اور قواعد کے مطابق کارروائی کی جائے۔ وزیر اعلیٰ نے کہا کہ سردار ولبھ بھائی پٹیل کے نظریہ اور قوم کی تعمیر کے ان کے نظریات کو فروغ دینا ہر ایک کا فرض ہے۔
وزیر صحت نشانت اور وزیر ٹرانسپورٹ دامودر نے بھی پروگرام سے خطاب کیا۔ اس موقع پر پبلک ہیلتھ انجینئرنگ کے وزیر اور جموئی ضلع کے وزیر انچارج سنجے کمار سنگھ، وزیر صنعت و کھیل وزیر شریاسی سنگھ، ایم ایل اے رامانند منڈل اور دیگر عوامی نمائندے موجود تھے۔ پروگرام میں وزیر اعلیٰ کے سکریٹری سنجے کمار سنگھ، مونگیر ڈویڑن کے کمشنر پریم سنگھ مینا، مونگیر رینج کے ڈپٹی انسپکٹر جنرل ا?ف پولیس راکیش کمار، ضلع مجسٹریٹ نوین، پولیس سپرنٹنڈنٹ وشواجیت دیال کے علاوہ دیگر سینئر افسران اور عام لوگوں کی بڑی تعداد موجود تھی۔