بہار میں کان کنی کی آمدنی میں گزشتہ پانچ مہینوں میں 36 فیصد اضافہ ہوا ہے۔ مالی سال 2026-27 میں اب تک، محکمے نے 984 کروڑ99لاکھ کی روپے کا ریوینو وصول کیا ہے، جو گزشتہ مالی سال کی اسی مدت میں 725.5 کروڑ کے مقابلے میں تقریباً 36 فیصد زیادہ ہے۔ کانوں اور ارضیات کے وزیر ڈاکٹر پرمود کمار نے پیر کو وکاس بھون سکریٹریٹ میں محکمہ کے دفتر میں منعقدہ ایک پریس کانفرنس کے دوران یہ بات کہی۔
محکمہ کی کامیابیوں اور آئندہ کے منصوبوں کے بارے میں معلومات دیتے ہوئے انہوں نے کہا کہ ریونیو کی وصولی میں اضافے کے ساتھ ساتھ کان کنی کے شعبے میں شفافیت اور موثر نگرانی کو ترجیح دی جا رہی ہے۔ریونیو کی وصولی میں عام طور پر سالانہ 10 سے 15 فیصد اضافہ ہوتا ہے، لیکن پانچ ماہ میں تقریباً 36 فیصد کا اضافہ محکمہ کے لیے ایک اہم کامیابی ہے۔ یہ محکمہ کے افسران اور ملازمین کی فعالیت اور محصولات کی وصولی کے بہتر نظام کی عکاسی کرتا ہے۔
ڈاکٹر پرمود کمار نے بتایا کہ رواں مالی سال 2026-27 میں اگست تک 316 گرفتاریاں اور 3,043 گاڑیاں ضبط کی گئی ہیں۔ سال 2025-26 میں غیر قانونی کان کنی کے الزام میں 233 افراد کو گرفتار کیا گیا اور 2,425 گاڑیاں ضبط کی گئیں۔ انہوں نے کہا کہ محکمہ غیر قانونی کان کنی اور معدنیات کی غیر قانونی نقل و حمل کے خلاف موثر کارروائی کرنے کے لیے پوری طرح متحرک ہے۔