اقلیتی امور کے مرکزی وزیر کرن رجیجو نے پرائیویٹ ٹور آپریٹرس کے ذریعہ سفر کرنے والے عازمین حج سے اپیل کی ہے کہ وہ جلد درخواست دیں اور صرف منظور شدہ حج گروپ آرگنائزر (ایچ جی او) اور پرائیویٹ ٹور آپریٹرس (پی ٹی او) کا انتخاب کریں۔
وزیر کرن رجیجو نے آج سوشل میڈیا پلیٹ فارم 'ایکس پر ایک سرکاری ایڈوائزری شیئر کرتے ہوئے پرائیویٹ آپریٹرس کے ذریعہ سفر کرنے والے عازمین حج پر زور دیا کہ وہ جلد درخواست دیں اور صرف حکومت سے منظور شدہ حج گروپ آرگنائزر یا پرائیویٹ ٹور آپریٹرس کا انتخاب کریں۔ انہوں نے واضح کیا کہ اگر بکنگ 15 جنوری 2026 تک مکمل ہو جائے تو آخری لمحات کی بھیڑ اور پریشانیوں سے بچا جا سکتا ہے۔ اس سے حج کے مقدس سفر کے لیے رہائش، نقل و حمل اور دیگر ضروری انتظامات کے بروقت اور موثر انتظامات کو یقینی بنایا جائے گا۔
اس سلسلے میں حکومت نے ایک ایڈوائزری جاری کی ہے جس میں پرائیویٹ ٹور آپریٹرس کے ذریعے سفر کرنے والے عازمین کو اگلے سال 15 جنوری تک اپنی بکنگ مکمل کرنے کا مشورہ دیا گیا ہے۔ عازمین حج کو یہ بھی مشورہ دیا جاتا ہے کہ بکنگ سے پہلے اس بات کی تصدیق کریں کہ آیا ایچ جی او یا پی ٹی او حکومت کی طرف سے تسلیم شدہ (مجاز) ہے۔ بکنگ کرنے سے پہلے، آپریٹر کے رجسٹریشن کی حیثیت اور کوٹہ کی جانچ کرنا یقینی بنائیں۔
ایڈوائزری میں کہا گیا ہے کہ سعودی عرب میں رہائش اور خدمات کے معاہدوں کو حتمی شکل دینے کی آخری تاریخ یکم فروری 2026 مقرر کی گئی ہے، تاکہ اس بات کو یقینی بنایا جا سکے کہ ایچ جی او اور پی ٹی او سعودی عرب میں عازمین حج کے لیے ہوٹلوں اور ٹرانسپورٹ کے بروقت انتظامات کر سکیں۔