نائب وزیر اعلیٰ کم ریونیو اور لینڈ ریفارمز کے وزیر وجے کمار سنہا نے کہا کہ فائلنگ ، منسوخی اور تصحیح میں تاخیر عام لوگوں کی سب سے بڑی شکایت ہے۔ اس کا ازالہ اولین ترجیحات میں شامل ہے۔ داخل خارج اور پرمارجن پلس پورٹل پر موصول ہونے والی تمام درخواستوں کی وقت پر نپٹارہ ہر حال میں یقینی بنائیں۔ غیر ضروری درخواستیں رد کرنے پر سخت کارروائی ہوگی۔ فیلڈ لیول کے افسران کے ذریعہ بغیر وجہ فائیل کے نپٹارہ میں تاخیر کرنا ، زیر التوا معاملے جیسے معاملات پر ضلع وار فہرست تیار ہورہی ہے۔ فہرست کی بنیاد پر جائزہ لیاجائے گا۔ وہیں فرضی کاغذات پر نگرانی اور کارروائی ، فرضی دستاویز کی بنیاد پر کام میں رخنہ ڈالنے کی شکایتوں پر کارروائی کے لیے ریاست سطحی خصوصی ٹیم کی تشکیل کی گئی۔نائب وزیر اعلیٰ نے کہا کہ فرضی دستاویز ، زیر التوا درخواستیں مارچ تک نپٹارہ کرنے کاہدف ہے۔ یہ یقینی بنایاجائے گا کہ کوئی بھی درخواست دہندہ غیر ضروری طور پر پریشان نہیں ہو۔ وقت حد کے اندر ان کا کام پور کر لیا جائے۔ ہمارا مقصد کسی کو پریشان کرنا نہیں ہے بلکہ عوام کو سہولیات پہنچانا ہے۔ سبھی سرکل افسر دفتر کے سبھی افسران کی فہرست بنائی جائے گی۔ پنچایت میں ذمہ دار لوگوں کی فہرست اور نقشہ لگایا جائے گا۔ سبھی سرکوں کی سی سی ٹی وی سے نگرانی ، ہیڈ کوارٹر میں کنٹرول روم بنایاجائے گا۔ اصلاحات اراضی ، فلاح سنواد کی شروعات پٹنہ سے 12 سے 15 دسمبر کو لکھی سرائے میں انعقاد ہوگا۔ جس میں نائب وزیر اعلیٰ وجے کمار سنہا موجودہ زمینی مسائل کے نپٹارہ کی خود مانٹرنگ کریں گے۔