پٹنہ، 5 جنوری (اے بی این) وزیر اعلیٰ نتیش کمار نے پیر کو سابق نائب وزیر اعلیٰ اور پدم بھوشن ایوارڈ یافتہ آنجہانی سشیل کمار مودی کے قد آدم مجسمے کی نقاب کشائی کی اور گلپوشی کرکے انہیں جذباتی خراج عقیدت پیش کیا۔وزیر اعلیٰ مسٹر کمار آج راجندر نگر واقع سشیل مودی اسمرتی پارک میں منعقد آنجہانی سشیل کمار مودی کی یومِ پیدائش تقریب میں شریک ہوئے۔ اس موقع پر وزیر اعلیٰ نتیش کمار نے آنجہانی سشیل کمار مودی کےقد آدم مجسمے کی نقاب کشائی کی اور گلپوشی کرکے انہیں پرخلوص خراج عقیدت پیش کیا۔
اس موقع پر نائب وزیر اعلیٰ سمراٹ چودھری، بہار قانون ساز اسمبلی کے اسپیکر ڈاکٹر پریم کمار، بہار قانون ساز کونسل کے چیئرمین اودھیش نارائن سنگھ، آبی وسائل و پارلیمانی امور کے وزیر وجے کمار چودھری، وزیر صحت منگل پانڈے، وزیر زراعت رام کرپال یادو، پبلک ہیلتھ انجینئرنگ کے وزیر سنجے کمار سنگھ، کوآپریٹیو کے وزیر ڈاکٹر پرمود کمار، رکن پارلیمنٹ روی شنکر پرساد، بی جے پی کے ریاستی صدر سنجے سراؤگی، اراکین اسمبلی پرمود کمار، سنجیو چورسیا، سنجے گپتا، رتنیش کشواہا، قانون ساز کونسل کے رکن سنجے کمار سنگھ عرف گاندھی جی، قانون ساز کونسل کی رکن مسز کمود ورما، آنجہانی سشیل کمار مودی کی اہلیہ مسز جے سی جارج، سابق اسمبلی اسپیکر نند کشور یادو، سابق رکن اسمبلی ارون کمار سنہا، جنتا دل یونائیٹڈ (جے ڈی یو) کے قومی جنرل سیکریٹری منیش کمار ورما، دیگر عوامی نمائندوں، معزز شخصیات اور سیاسی و سماجی کارکنوں نے بھی گلپوشی کرکے انہیں خرج عقید ت پیش کیا۔
اس کے بعد وزیر اعلیٰ نتیش کمار شری کرشن میموریل ہال میں منعقد آنجہانی سشیل کمار مودی کے یومِ پیدائش پروگرام میں شریک ہوئے۔ اس دوران وزیر اعلیٰ نے آنجہانی سشیل کمار مودی کی تصویر پر گلپوشی کرکے انہیں پرخلوص خراج عقیدت پیش کیا۔
اس موقع پر مرکزی وزیر گری راج سنگھ، نائب وزیر اعلیٰ سمراٹ چودھری، بہار قانون ساز اسمبلی کے اسپیکر ڈاکٹر پریم کمار، آبی وسائل و پارلیمانی امور کے وزیر وجے کمار چودھری، وزیر صحت منگل پانڈے، وزیر صنعت ڈاکٹر دلیپ کمار جیسوال، رکن پارلیمنٹ رادھا موہن سنگھ، بی جے پی کے ریاستی صدر سنجے سراؤگی ، بی جے پی کے تنظیمی جنرل سیکریٹری بھیکھو بھائی دلسانیا، بہار بھارتیہ جنتا پارٹی (بی جے پی) کے انچارج ونود تاؤڑے، رکن اسمبلی سنجے گپتا، قانون ساز کونسل کے رکن سنجے کمار سنگھ عرف گاندھی جی، آنجہانی سشیل کمار مودی کی اہلیہ مسز جے سی جارج، دیگر عوامی نمائندوں، معزز شخصیات اور سیاسی و سماجی کارکنوں نے بھی گلپوشی کرکے انہیںپرخلوص خراج عقیدت پیش کیا۔