سارن، 16 دسمبر ضلع مجسٹریٹ ویبھو سریواستو نے منگل کے روز صدر اسپتال میں بچوں کو پولیو کی خوراک پلا کر پلس پولیو مہم 2025 کا آغاز کیا۔ یہ مہم ضلع بھر میں 16 دسمبر 2025 سے 25 دسمبر 2025 تک چلے گی جس کا مقصد تمام بچوں کو پولیو سے بچانا ہے۔
صدراسپتال میں منعقدہ تقریب میں سول سرجن، ضلع ہیلتھ منیجر اور محکمہ صحت کے کئی دیگر افسران اور عملہ موجود تھا۔ ضلع مجسٹریٹ نے ذاتی طور پر بچوں کو پولیو کے دو قطرے پلا کر صحت عامہ کی اس اہم مہم کا ا?غاز کیا اور مہم ٹیم کی حوصلہ افزائی کی۔ اس موقع پر ضلع مجسٹریٹ ویبھو سریواستو نے ضلع کے تمام والدین سے اپیل کی کہ پولیو ایک معذور مرض ہے، لیکن اس سے بچاو بہت اسان ہے۔اس دس روزہ مہم کے دوران محکمہ صحت کی ٹیمیں گھر گھر اور مقررہ بوتھوں پر بچوں کو پولیو کے قطرے پلائیں گی۔ انہوں نے سارن کے لوگوں سے کہا کہ وہ اسپتال انتظامیہ، ویکسی نیشن ورکرز اور اس کام میں مصروف ممبران کے ساتھ تعاون کریں اور اپنے 0 سے 5 سال کی عمر کے بچوں کو پولیو کے قطرے پلا کر ملک کو پولیو سے پاک رکھنے کے عزم کو مضبوط کریں۔