عام آدمی پارٹی (عآپ) کے سینئر لیڈر اور رکن پارلیمنٹ سنجے سنگھ نے بدھ کو الزام لگایا کہ مودی حکومت کی خارجہ پالیسی سے پوری دنیا میں ملک کی ساکھ متاثر ہوئی ہے۔جناب سنگھ نے بدھ کو کہا کہ پوری دنیا کے لیے یہ ایک راحت کی خبر ہے کہ امریکہ، ایران اور اسرائیل کے درمیان جاری جنگ 15 دنوں کے لیے تھم گئی ہے۔ لیکن ایران کو امریکہ اور اسرائیل پر نظر رکھنی ہوگی، کیونکہ وہ دھوکے سے وار کرنے کے لیے جانے جاتے ہیں۔ کیا 15 دن کے بعد پھر سے ویسی ہی صورتحال پیدا ہو سکتی ہے؟ اس بارے میں ایران کو محتاط رہنا چاہیے۔انہوں نے کہا، "دوسری بات یہ کہ اس پورے امن معاہدے اور بات چیت میں وہ ملک ابھر کر سامنے آیا ہے جو ایک دہشت گرد ملک ہے، جو اپنے ملک کے اندر دہشت گردوں کو تربیتی کیمپ فراہم کرتا ہے۔ وہ ملک پاکستان آج 'امن کا سفیر‘ بن گیا ہے۔ اس کے پیچھے کی وجہ ہمارے وزیر اعظم نریندر مودی کی غلط خارجہ پالیسی ہے جس کی وجہ سے آج ہندوستان تنہا پڑ گیا ہے۔سنجے سنگھ نے کہا کہ امریکہ نے مودی جی کو خوب بیوقوف بنایا ہے۔ پہلے انہیں اسرائیل بھیج دیا، وہاں وہ دو دن پہلے گئے اور میڈل پہن کر آ گئے اور اس کے بعد اسرائیل نے ایران پر حملہ کر دیا۔ وزیر اعظم ہندوستان کے وقار کو دنیا میں گرانے کا کام کیوں کر رہے ہیں؟ آج ملک ان سے یہ سوال پوچھ رہا ہے۔ وہ ایسے کام کیوں کر رہے ہیں جس سے ملک کی ساکھ گرے؟انہوں نے مزید کہا، "ہندوستان عظیم رہنما مہاتما گاندھی اور گوتم بدھ کا ملک ہے۔ ہم پوری دنیا کو امن کا پیغام دیتے ہیں۔ لیکن امریکہ نے ہندوستان کو ہمارے روایتی دوست ایران سے الگ کر دیا۔ ہمیں اپنے دیرینہ دوست روس سے الگ تھلگ کر دیا اور حکم دیا کہ ہم روس سے تیل نہیں خریدیں گے اور وزیر اعظم نے ان کے سامنے گھٹنے ٹیک دیے۔ وزیر اعظم اس لیے ایسا کر رہے ہیں کیونکہ ان کا دوست اڈانی کرپشن کے معاملے میں امریکہ میں پھنسا ہوا ہے اور ان کے دو دیگر قریبی ساتھی ایپسٹین فائلز میں پھنسے ہوئے ہیں۔"