پٹنہ، 12 فروری (اے بی این ) پولیس محکمہ نے ریاست میں بہتر اور زیادہ موثر پولیسنگ کو یقینی بنانے کے لیے ریاست میں 11 اضلاع مقرر گرامین ایس پی (ایس پی) کے دائرہ اختیار کو متعین کر تے ہوئے ان کے اختیارات کو واضح کیا ہے۔ محکمہ داخلہ نے اس حوالے سے نوٹیفکیشن جاری کر دیا ہے۔ اس کے مطابق، 2022 میں بنائے گئے 11 مختلف رورل پولیس سپرنٹنڈنٹ (گرامین ایس پی) عہدوں کے زیر اثر آنے والے ڈویژنز اور ان کے تحت آنے والے تھانوں کی تعداد متعین کر دی گئی ہے۔ متعلقہ اضلاع ایس پی دفاتر کی شاخوں کو ایس پی (دیہی) اور دیگر کے درمیان تقسیم کریں گے۔
ان گرامین ایس پی کے دائرہ اختیار میں بالترتیب گیا کے دیہی ایس پی کے دائرہ اختیار میں اب نیم چک بتھانی کے ایس ڈی پی او، ٹکاری کے سب ڈویژنل پولیس آفیسر (ایس ڈی پی او)، امام گنج کے ایس ڈی پی او، شیرگھاٹی-1 اور شیرگھاٹی-2 کے ایس ڈی پی اوز کے ساتھ ساتھ ان کے دائرہ اختیار میں آنے والے تمام پولیس تھانے شامل ہیں۔ ان سب ڈویژنل پولیس افسران کے اپنے دائرہ اختیار میں تقریباً 33 تھانے ہیں، جو اب رورل ایس پی کے تحت آئیں گے۔روہتاس کے ایس پی (دیہی) کے زیر اثر ساسارام ہیڈ کوارٹر کو چس ایس ڈی پی او -2ڈہری ایس ڈی پی او -2، اور وکرم گنج ایس ڈی پی او کے ساتھ ساتھ تمام 28 پولیس اسٹیشن شامل ہوں گے۔ مونگیر (دیہی) ایس پی کے تحت صدر ایس ڈی پی او، تارا پور ایس ڈی پی او، اور حویلی کھڑگپور ایس ڈی پی او کے ساتھ ساتھ ان کے دائرہ اختیار میں 12 پولیس تھانے شامل ہوں گے۔ بیگوسرائے کے ایس پی (دیہی) کے تحت منجھول ایس ڈی پی او، بکھری ایس ڈی پی او، اور بلیا ایس ڈی پی او کے ساتھ ساتھ 11 متعلقہ پولیس اسٹیشن شامل ہوں گے۔
بھاگلپور کے ایس پی (دیہی) کے تحت کہلگاؤں-1 اور کہلگاؤں-2 کے ایس ڈی پی او، بھاگلپور لاء اینڈ آرڈر کے ڈی ایس پی، اور ان کے دائرہ اختیار میں 18 تھانے شامل ہیں۔ پورنیہ رورل ایس پی کے تحت بائیسی، بن منکھی اور دھمداہا ایس ڈی پی او اور ان کے دائرہ اختیار میں 18 پولیس اسٹیشن شامل ہیں۔سہرسہ ایس پی (دیہی) کے دائزہ اختیار میں سمری بختیار پور ایس ڈی پی او اور ان کے دائرہ اختیار میں 9 پولیس اسٹیشن شامل ہیں۔دربھنگہ کے ایس پی (دیہی) کے دائرہ اختیار میں بینی پور اور بیرول کے ایس ڈی پی او، صدر ایس ڈی پی او -2، اور ان کے دائرہ اختیار میں 19 پولیس اسٹیشن شامل ہیں۔مظفر پور کے ایس پی (دیہی) کے دائرہ اختیار میں مشرقی-1،مشرقی -2، اور سر یا کے ایس ڈی پی اوز کے علاوہ ان کے دائرہ اختیار میں 24 تھانے شامل ہیں۔سارن رورل ایس پی کے تحت مدھورا-1، مدھورا-2، اور سون پور کے ایس ڈی پی او اور ان کے دائرہ اختیار میں 18 تھانے شامل ہیں۔بتیا ایس پی رورل کے تحت صدر- اور نر کٹیا گنج کے ایس ڈی پی او اور ان کے تحت 21تھانے آتے ہیں ۔
ان کے اختیار کے تعلق سے محکمہ داخلہ نے ستمبر 2022 میں بہار پولیس سروس کیڈر کے تحت 181 آسامیاں تخلیق کیں۔ ان میں دیہی ایس پی کے لیے 11 عہدے شامل ہیں۔ اب ان کے اختیارات اور دائرہ کار کا تعین ہو چکا ہے۔ وہ اپنے دائرہ اختیار کے تحت آنے والے اداروں کا معائنہ کریں گے، مقدمات کا جائزہ لیں گے، اور جرائم پر قابو پانے کے ساتھ ہی تمام اہم معاملات سے ضلع ایس پی کو آگاہ رکھیں گے۔ وہ اپنے دائرہ اختیار میں آنے والے تھانوں کے کرائم رجسٹرز، روزانہ کی رپورٹس اور گشتی چارٹ کو بھی کنٹرول اور نگرانی کریں گے۔
وہ اپنے دائرہ اختیار میں تعینات سب انسپکٹرز اور ماتحت افسران (کانسٹیبل اور حوالدار) کو معطل کر سکتے ہیں۔ وہ ڈسٹرکٹ ایس پی سے مشاورت کے بعد پولیس لائنز کے افسران کو معطل کر سکتے ہیں۔ وہ ہفتے میں کم از کم ایک بار پولیس پریڈ میں شرکت کریں گے اور پولیس میٹنگ میں موجود ہوں گے۔