تقریباً دو دہائیوں تک بہار میں اقتدار کے عروج پر رہنے کے بعد نتیش کمار اب پارلیمنٹ کے ایوان بالا راجیہ سبھا میں ایک نئی اننگ شروع کرنے کے لیے تیار ہیں۔ نتیش کمار کو راجیہ سبھا کے انتخاب کا سرٹیفکیٹ پیش کیا گیا۔
جے ڈی یو کے کارگزار صدر سنجے جھا نے ا?ج انہیں سرٹیفکیٹ پیش کیا۔ جھا نے سوشل میڈیا پر لکھا کہ راجیہ سبھا میں ان کی (نتیش کمار کی) موجودگی بہار کی ترقی کو نئی تحریک دے گی۔ اپنی پوسٹ میں سنجے جھا نے کہا کہ انہیں وزیر اعلیٰ نتیش کمار کو راجیہ سبھا کے انتخاب کا سرٹیفکیٹ پیش کرنے کا موقع ملا۔ پارٹی لیڈر سنجے کمار سنگھ "گاندھی جی" بھی موجود تھے۔ ان کی (نتیش کمار کی) عوامی زندگی شہریوں کی خدمت اور بہار کی ترقی کے لیے وقف رہی ہے۔دوسری طرف بہار کے نائب وزیر اعلیٰ سمراٹ چودھری نے این ڈی اے کے پانچوں امیدواروں کو ان کی جیت پر مبارکباد دی۔ انہوں نے پوسٹ پر لکھا، ’’بہار کی جے، این ڈی اے ہمیشہ طے‘‘۔ راجیہ سبھا انتخابات میں راجیہ سبھا ممبر منتخب ہونے پر نتیش کمار، بی جے پی کے قومی صدر نتن نوین، مرکزی وزیر رام ناتھ ٹھاکر، راشٹریہ لوک مورچہ کے قومی صدر اوپیندر کشواہا اور بی جے پی کے سینئر لیڈر شیویش کمار جی کو دل کی گہرائیوں سے مبارکباد اور نیک خواہشات۔